അലർജിയെ തുടർന്ന് ഒരാൾക്ക് ശാരീരിക അസ്വസ്ഥതയുണ്ടായതിനാൽ കാനഡയിൽ വിറ്റഴിച്ച പേസ്ട്രി തിരിച്ചുവിളിച്ചതായി കനേഡിയൻ ഫുഡ് ഇൻസ്പെക്ഷൻ ഏജൻസി അറിയിച്ചു. ‘വൈറ്റ് ലോട്ടസ് സീഡ് പേസ്റ്റ് മൂൺകേയ്ക്ക് വിത്ത് 2 എഗ്ഗ് യോക്ക്സ്’ (White Lotus Seed Paste Mooncake with 2 Egg Yolks) എന്ന ഉൽപ്പന്നമാണ് തിരിച്ചുവിളിച്ചത്. രാജ്യത്തുടനീളവും ഓൺലൈനായും വിതരണം ചെയ്ത ഈ ഉൽപ്പന്നത്തിൽ നിലക്കടല (peanut) അടങ്ങിയിട്ടുണ്ടെന്നും, എന്നാൽ ലേബലിൽ ഇക്കാര്യം രേഖപ്പെടുത്തിയിട്ടില്ലെന്നും ഫെഡറൽ ഏജൻസി വ്യക്തമാക്കി.
ഒരു ഉപഭോക്താവ് നൽകിയ പരാതിയുടെ അടിസ്ഥാനത്തിലാണ് ഉൽപ്പന്നം തിരിച്ചുവിളിക്കാൻ തീരുമാനിച്ചതെന്ന് ഏജൻസി അറിയിച്ചു. 600 ഗ്രാം (4 x 150 ഗ്രാം) തൂക്കമുള്ള ഈ ഉൽപ്പന്നങ്ങളിൽ, ‘ബെസ്റ്റ് ബിഫോർ’ (ഉപയോഗിക്കാവുന്ന അവസാന തീയതി) തീയതി 2026-NO-30 എന്ന് രേഖപ്പെടുത്തിയിട്ടുണ്ട്.
“തിരിച്ചുവിളിച്ച ഉൽപ്പന്നങ്ങളിൽ നിങ്ങൾക്ക് അലർജിയോ മറ്റ് ശാരീരിക ബുദ്ധിമുട്ടുകളോ ഉണ്ടാക്കുന്ന ഘടകങ്ങൾ അടങ്ങിയിട്ടുണ്ടെങ്കിൽ, അവ കഴിക്കരുത്. ഇത് ഗുരുതരമായതോ ജീവന് തന്നെ ഭീഷണിയായേക്കാവുന്നതോ ആയ ആരോഗ്യപ്രശ്നങ്ങൾക്ക് കാരണമായേക്കാം,” ഹെൽത്ത് കാനഡ മുന്നറിയിപ്പ് നൽകി.
