മലയാളി റെസ്പിറേറ്ററി കെയര്‍ പ്രാക്ടീഷണര്‍മാരുടെ സംഘടനയായ മലയാളി അസോസിയേഷന്‍ ഓഫ്‌റെസ്പിറേറ്ററി കെയര്‍ രജത ജൂബിലി ആഘോഷ സമാപനം ഒക്ടോബര്‍ 17-ന് നടക്കും. വൈകിട്ട് 6 മണിക്ക് മൗണ്ട്‌പ്രോസ്‌പെക്ടിലെ ഒലിവ് പാലസ് ബാങ്ക്വറ്റ് ഹാളില്‍ നടക്കുന്ന സമാപന സമ്മേളനം അമേരിക്കന്‍ അസോസിയേഷന്‍ ഓഫ് റെസ്പിറേറ്ററി കെയര്‍ പ്രസിഡൻ്റ് ഡാന ഇവാന്‍സ് ഉദ്ഘാടനം ചെയ്യും.
ഒരു വര്‍ഷം നീണ്ടു നിന്ന ആഘോഷപരിപാടികളുടെ സമാപനത്തിൽ വൈവിധ്യമാര്‍ന്ന കലാപരിപാടികൾ ഉൾപ്പെടുത്തിയിട്ടുണ്ടെന്ന് ജൂബിലി കമ്മിറ്റി കോ ഓര്‍ഡിനേറ്റര്‍ സ്‌കറിയക്കുട്ടി തോമസ്, സെക്രട്ടറി വിജയന്‍ വിന്‍സെൻ്റ്, ട്രഷറര്‍ രഞ്ജിവര്‍ഗീസ് എന്നിവര്‍ അറിയിച്ചു. ആഘോഷപരിപാടിയുടെവിജയത്തിനായി അസോസിയേഷന്‍റെ നിലവിലെ എക്‌സിക്യൂട്ടീവ് കമ്മിറ്റി അംഗങ്ങളായ പ്രസിഡൻ്റ് ടോം ജോസ്, സെക്രട്ടറി സമയ ജോര്‍ജ്, ട്രഷറര്‍ സണ്ണി സ്‌കറിയ, വൈസ് പ്രസിഡൻ്റ് സണ്ണി കൊട്ടുകാപ്പള്ളി, ജോയിൻ്റ് സെക്രട്ടറി റോണിഷ് മാത്യു, ജോയിൻ്റ് ട്രഷറര്‍ സന്തോഷ് ജോര്‍ജ്, ജനറല്‍ ഓര്‍ഗനൈസര്‍ ബിന്‍സി എലിയാസ്, എഡ്യൂക്കേഷണല്‍ കോ ഓര്‍ഡിനേറ്റര്‍ ട്രീസ ഷെയ്, പി.ആര്‍.ഒ. ബിജു മുണ്ടക്കല്‍ എന്നിവർ വിവിധ പ്രവര്‍ത്തനങ്ങള്‍ക്ക് നേതൃത്വം നൽകുന്നു.
