അമേരിക്കയിലെ കാലിഫോർണിയയിലുള്ള നെവാഡ മലനിരകളിൽ 10,600 അടി ഉയരത്തിൽ വെച്ച് മരണത്തെ അഭിമുഖീകരിച്ച പർവതാരോഹകനെ രക്ഷാപ്രവർത്തകർ സാഹസികമായി ജീവനോടെ പുറത്തെത്തിച്ചു. വെറും 6 ഇഞ്ച് മാത്രം വീതിയുള്ള അതീവ അപകടകരമായ പാറയിടുക്കിൽ കാൽ ഉറപ്പിച്ചു നിർത്തിയാണ് അദ്ദേഹം മണിക്കൂറുകളോളം അതിജീവനത്തിനായി പോരാടിയത്. അല്പമൊന്ന് കാൽ തെന്നിയാൽ പോലും നൂറടി താഴേക്ക് പതിച്ച് ജീവൻ നഷ്ടപ്പെടാമായിരുന്ന അതിഭീകര സാഹചര്യത്തിലായിരുന്നു അദ്ദേഹം. മോണോ കൗണ്ടിയിലെ വോളണ്ടിയർ സെർച്ച് ആൻഡ് റെസ്ക്യൂ സംഘം മണിക്കൂറുകളോളം നീണ്ട കഠിന പരിശ്രമത്തിനൊടുവിലാണ് ഈ ദൗത്യം വിജയകരമായി പൂർത്തിയാക്കിയത്. കൊടും തണുപ്പും ഏത് നിമിഷവും താഴേക്ക് വീഴാമെന്ന ഭയവും നിഴലിച്ച ഘട്ടത്തിലും ധൈര്യവും ആത്മനിയന്ത്രണവും കൈവിടാതെ പൊരുതിയതാണ് അദ്ദേഹത്തിന്റെ ജീവൻ നിലനിർത്തിയത്. തനിക്കായി ജീവൻ പണയം വെച്ച് രക്ഷാപ്രവർത്തനം നടത്തിയ ദൗത്യസംഘത്തിന് പർവതാരോഹകൻ കണ്ണീരോടെ നന്ദി രേഖപ്പെടുത്തി