കാനഡയിലെ മുതിർന്ന പൗരന്മാർക്കുള്ള ഓൾഡ് ഏജ് സെക്യൂരിറ്റി (OAS), ഗ്യാരൻ്റീഡ് ഇൻകം സപ്ലിമെൻ്റ് (GIS) ആനുകൂല്യങ്ങൾ ഇന്ന് മുതൽ അക്കൗണ്ടിലേക്ക് എത്തുമെന്ന് കാനഡ റവന്യൂ ഏജൻസി (CRA) അറിയിച്ചു. കൺസ്യൂമർ പ്രൈസ് ഇൻഡക്സ് (CPI) അടിസ്ഥാനമാക്കി പ്രതിമാസ പെൻഷൻ തുകയിൽ 1.2% വർധനയോടെയാണ് തുക ബാങ്ക് അക്കൗണ്ടിലെത്തുന്നത്.

65 നും 74 നും ഇടയിൽ പ്രായമുള്ളവർക്ക് പ്രതിമാസം പരമാവധി 751.97 ഡോളറും 75 വയസ്സിന് മുകളിലുള്ളവർക്ക് 827.17 ഡോളറും ലഭിക്കും. കുറഞ്ഞ വരുമാനക്കാർക്കുള്ള GIS ആനുകൂല്യത്തിലും 1.2 ശതമാനത്തിന്‍റെ വർധന ഉണ്ടായിട്ടുണ്ട്. ഇതോടെ 75 വയസ്സിന് മുകളിൽ പ്രായമുള്ള, മറ്റ് വരുമാനമാർഗ്ഗങ്ങളില്ലാത്ത ഒരു വ്യക്തിക്ക് OAS, GIS ആനുകൂല്യങ്ങൾ ചേർത്ത് പ്രതിമാസം പരമാവധി 1,950.34 ഡോളർ വരെ ലഭിക്കാൻ അർഹതയുണ്ടായിരിക്കും.