മൂന്ന് പ്രവിശ്യകളിലെ ഉപതിരഞ്ഞെടുപ്പ് ഓഗസ്റ്റ് 31-ന് നടക്കുമെന്ന് പ്രധാനമന്ത്രി മാർക്ക് കാർണി പ്രഖ്യാപിച്ചു. ഒൻ്റാരിയോ, ക്യുബെക്ക്, ബ്രിട്ടീഷ് കൊളംബിയ എന്നീ പ്രവിശ്യകളിലെ മൂന്ന് റൈഡിങ്ങുകളിലേക്കാണ് തിരഞ്ഞെടുപ്പ് നടക്കുന്നത്. ബീച്ചസ് – ഈസ്റ്റ് യോർക്ക് (ഒൻ്റാരിയോ), ഷികൂട്ടിമി – ലെ ഫ്യോർഡ് (ക്യുബെക്ക്), നോർത്ത് വാൻകൂവർ – കാപിലാനോ (ബ്രിട്ടീഷ് കൊളംബിയ) എന്നീ റൈഡിങ്ങിലാണ് ഉപതിരഞ്ഞെടുപ്പ്.
മുൻ ഫെഡറൽ ഹൗസിങ് മന്ത്രിയും ലിബറൽ എംപിയുമായ നേറ്റ് എർസ്കിൻ-സ്മിത്ത് ഒഴിഞ്ഞതിനെ തുടർന്നാണ് ബീച്ചസ് – ഈസ്റ്റ് യോർക്ക് സീറ്റിൽ ഉപതിരഞ്ഞെടുപ്പിന് കളമൊരുങ്ങുന്നത്. കൺസർവേറ്റീവ് എംപിയായിരുന്ന റിച്ചാർഡ് മാർടെൽ സെനറ്റിലേക്ക് നിയമിതനായതിനെ തുടർന്ന് ഷികൂട്ടിമി – ലെ ഫ്യോർഡ് റൈഡിങ്ങിലും, യൂറോപ്യൻ യൂണിയനിലേക്കുള്ള കാനഡയുടെ അംബാസഡറായി ജോനാഥൻ വോൾകിൻസൺ ചുമതലയേറ്റതിനെ തുടർന്ന് നോർത്ത് വാൻകൂവർ – കാപിലാനോ റൈഡിങ്ങിലും ഉപതിരഞ്ഞെടുപ്പ് നടക്കുക.
കൺസർവേറ്റീവ് പാർട്ടിയെ മറികടന്ന് ലിബറൽ പാർട്ടി മൂന്ന് റൈഡിങ്ങിലും തങ്ങളുടെ സ്ഥാനാർത്ഥികളെ പ്രഖ്യാപിച്ചിട്ടുണ്ട്. തൻവീർ ഷാനവാസ് (ബീച്ചസ് – ഈസ്റ്റ് യോർക്ക്), ഡാനിയൽ ഗോബെയ്ൽ (ഷികൂട്ടിമി – ലെ ഫ്യോർഡ്), ബ്രേഡൻ കാലി (നോർത്ത് വാൻകൂവർ – കാപിലാനോ) എന്നിവരാണ് ലിബറൽ പാർട്ടി സ്ഥാനാർത്ഥികൾ.
