വടക്കന് ഒൻ്റാരിയോയില് കത്തിപ്പടരുന്നകാട്ടുതീയുടെ പുക പ്രവിശ്യയുടെ വിവിധ ഭാഗങ്ങളിലേക്കും വ്യാപിച്ചതോടെ വായു മലിനീകരണം ഗുരുതരമായി. ടൊറൻ്റോ ഉള്പ്പെടെ നിരവധി നഗരങ്ങളിൽ വായു ഗുണനിലവാരം അപകടനിലയിലെത്തിയതായി അധികൃതര് അറിയിച്ചു. ജനങ്ങൾ അനാവശ്യമായി പുറത്തിറങ്ങുന്നത് ഒഴിവാക്കണമെന്നും, കുട്ടികള്, വയോജനങ്ങള്, ഗര്ഭിണികള്, ശ്വാസകോശ-ഹൃദ്രോഗമുള്ളവര് എന്നിവര് പ്രത്യേക ജാഗ്രത പാലിക്കണമെന്നും അധികൃതർ മുന്നറിയിപ്പ് നൽകി. പുറത്തിറങ്ങേണ്ട സാഹചര്യമുണ്ടെങ്കില് എന്95 മാസ്ക് ധരിക്കാനും വീടുകളുടെ വാതിലുകളും ജനലുകളും അടച്ചുവെക്കാനും അധികൃതര് നിർദ്ദേശിച്ചു.
ഒൻ്റാരിയോ, മാനിറ്റോബ, സസ്കാച്ചെവാന് എന്നിവിടങ്ങളിലെ നിരവധി കാട്ടുതീകള് ഇപ്പോഴും നിയന്ത്രണവിധേയമായിട്ടില്ല. പുക അമേരിക്കയുടെ വടക്കുകിഴക്കന് സംസ്ഥാനങ്ങളിലേക്കും വ്യാപിച്ചതോടെ അവിടെയും വായു ഗുണനിലവാര മുന്നറിയിപ്പുകള് പുറപ്പെടുവിച്ചിട്ടുണ്ട്.
