ഷിക്കാഗോ സോഷ്യൽ ക്ലബ്ബിന്‍റെ 12-മത് അന്താരാഷ്‌ട്ര വടംവലി ടൂർണമെൻ്റിന്‍റെ ഔപചാരികമായ കിക്ക്‌ ഓഫ് ചലച്ചിത്ര താരം ജയറാം നിർവ്വഹിച്ചു. ഷിക്കാഗോ സോഷ്യൽ ക്ലബ്ബ് ആസ്ഥാനത്ത് പ്രസിഡൻ്റ് റൊണാൾഡ്‌ പൂക്കുമ്പൻ അധ്യക്ഷത വഹിച്ച സമ്മേളനത്തിൽ ടൂർണമെൻ്റിന്‍റെ ഗാ സ്പോൺസർ ടോണി കിഴക്കേക്കുറ്റ് (Elite Gaming), കിക്ക്‌ ഓഫ് സ്പോൺസർ സഞ്ജു പുളിക്കത്തൊട്ടിയിൽ (ലിങ്കൻവുഡ്ഡ് മോർഗേജ്), ഒന്നാം സമ്മാനം സ്പോൺസർ ജോയി നെടിയകാലായയിൽ, നാലാം സമ്മാനം സ്പോൺസർ ഷൈബു കിഴക്കേക്കുറ്റ് (മംഗല്യ ജൂവല്ലേഴ്‌സ്), സജു കണ്ണമ്പള്ളി (ഒഫൻ പെട്രോളിയം), ബ്രാഡ് വിസിൻസ്കി (സിറ്റ്‌കോ പെട്ട്രോളിയം) എന്നിവരിൽ നിന്നും ചെക്കുകൾ സ്വീകരിച്ചാണ് ജയറാം കിക്ക്‌ ഓഫ് കർമ്മം നിർവ്വഹിച്ചത്.

സെപ്റ്റംബർ ആറിന് ബെൻസൺ വിൽ എനർജി സ്പോർട്സ് ക്ലബ്ബിലാണ് വടംവലി മത്സരം നടക്കുന്നത്. ഓസ്‌ട്രേലിയ, ഇറ്റലി, യുകെ, കുവൈറ്റ്, അയർലണ്ട്, കാനഡ തുടങ്ങിയ രാജ്യങ്ങളിൽ നിന്നായി ടീമുകൾ വടംവലിയിൽ പങ്കെടുക്കും.