അമേരിക്കന്‍ ഐക്യ നാടിന്‍റെ ഇരുനൂറ്റിയന്‍പതാം സ്വാതന്ത്യ ദിനാഘോഷമായ ജൂലൈ നാല് മലയാളി അസോസിയേഷന്‍ ഓഫ് ഗ്രേറ്റര്‍ ഹ്യൂസ്റ്റൺ (MAGH) കേരള ഹൗസില്‍ കൊണ്ടാടി. മാഗ് ആസ്ഥാന മന്ദിര അങ്കണത്തില്‍ അമേരിക്കന്‍ ദേശീയ പതാക ഉയര്‍ത്തി ആഘോഷങ്ങള്‍ക്ക് തുടക്കമിട്ടു. ചടങ്ങിൽ സ്റ്റാഫോര്‍ഡ് സിറ്റി മേയര്‍ കെന്‍ മാത്യു, ഫോര്‍ട്ട് ബെന്‍ഡ് കൗണ്ടി ഡിസ്ട്രിക്ക് ജഡജ് സുരേന്ദ്രന്‍ കെ പട്ടേൽ എന്നിവർ മുഖ്യാതിഥികളായിരുന്നു. ഇരുവരും സംയുക്തമായി പതാക ഉയർത്തി.
മാഗ് പ്രസിഡൻ്റ് റോയി മാത്യു അധ്യക്ഷത വഹിച്ച ചടങ്ങിൽ ട്രസ്റ്റി ബോര്‍ഡ് ചെയര്‍മാന്‍ ജോജി ജോസഫ്, മെമ്പര്‍ ക്ലാരമ്മ മാത്യു, മാഗ് മുന്‍ പ്രസിഡൻ്റുമാരായ ജയിംസ് ജോസഫ്, ഏബ്രഹാം ഈപ്പന്‍, തോമസ് ഒലിയന്‍കുന്നേല്‍, തോമസ് ചെറുകര, പൊന്നു പിള്ള, ജിമ്മി കുന്നശേരി, മാത്യൂസ് മുണ്ടക്കല്‍, സീനിയര്‍ പ്രതിനിധി ജോര്‍ജ് തോമസ്, സാജന്‍ ജോണ്‍, ഷാജി എഡ്വെര്‍ഡ്, മോന്‍സി കുര്യാക്കോസ് എന്നിവര്‍ പ്രസംഗിച്ചു. സെക്രട്ടറി വിനോദ് ചെറിയാന്‍ സ്വാഗതവും ട്രഷറര്‍ സുനില്‍ തങ്കപ്പന്‍ കൃതജ്ഞതയും പറഞ്ഞു.
