ബ്രിട്ടിഷ് കൊളംബിയയിലെ ബോസ്റ്റൺ ബാർ കമ്മ്യൂണിറ്റിക്ക് സമീപം നിയന്ത്രണാതീതമായ കാട്ടുതീ പടർന്നതിനെത്തുടർന്ന്, ഒഴിപ്പിക്കൽ ഉത്തരവിറക്കുകയും അനുബന്ധ ജാഗ്രതാ നിർദ്ദേശം നൽകുകയും ചെയ്തു. കൂടാതെ ഇലക്ടറൽ ഏരിയ എയിലെ നോർത്ത് ബെൻഡിൽ പ്രാദേശിക അടിയന്തരാവസ്ഥ പ്രഖ്യാപിച്ചിട്ടുണ്ട്. ജൂലൈ 2 ന് കണ്ടെത്തിയ ബ്രൺസ്വിക്ക് ക്രീക്ക് തീപിടുത്തം 100 ഹെക്ടർ ഭൂപ്രദേശത്ത് കത്തിപ്പടർന്നിട്ടുണ്ട്. നിലവിൽ, ഫ്രേസർ നദിയുടെ പടിഞ്ഞാറ് ഭാഗത്താണ് തീ കത്തുന്നത്. കാട്ടുതീ ഇനിയും പടരുമെന്ന് പ്രതീക്ഷിക്കുന്നതായി വൈൽഡ്ഫയർ സർവീസ് പറയുന്നു. ഒഴിപ്പിക്കൽ മേഖലയിലെ ജനങ്ങൾ വളർത്തുമൃഗങ്ങൾ, സർക്കാർ ഐഡി പോലുള്ള അവശ്യവസ്തുക്കൾ കൈവശം കരുതണം.
ശക്തമായ കാറ്റ് കാട്ടുതീ നിയന്ത്രണാതീതമായി പടരുന്നതിന് കാരണമായതായി ബിസി വൈൽഡ്ഫയർ സർവീസിസ് (ബിസിഡബ്ല്യുഎസ്) വക്താവ് സാം ബെല്ലിയോൺ അറിയിച്ചു. കാട്ടുതീ നിയന്ത്രിക്കാൻ ബോസ്റ്റൺ ബാർ ഫയർ ഡിപ്പാർട്ട്മെൻ്റ്, ആറ് ഹെലികോപ്റ്ററുകൾ പ്രവർത്തിക്കുന്നുണ്ട്. ബിസി വൈൽഡ്ഫയർ സർവീസ്, നൈറ്റ് വിഷൻ സജ്ജീകരിച്ച ഹെലികോപ്റ്ററുകൾ ഉൾപ്പെടെയുള്ള ജീവനക്കാരുടെയും ഉപകരണങ്ങളുടെയും സഹായത്തോടെ പ്രാദേശിക അഗ്നിശമന വകുപ്പിനെ സഹായിക്കുന്നുണ്ടെന്ന് ബ്രിട്ടീഷ് കൊളംബിയ വനം മന്ത്രി രവി പർമർ പറഞ്ഞു.
