മോൺട്രിയലിന് സമീപം സിഎൻ റെയിൽ ട്രെയിൻ പാളം തെറ്റിയതായി പ്രാദേശിക അധികൃതർ റിപ്പോർട്ട് ചെയ്തു. ഞായറാഴ്ച വൈകുന്നേരം 4:30 ഓടെ റെപെൻ്റിഗ്നിയിലെ ബോർഗ്-ന്യൂഫ് ബൊളിവാർഡ്-എമൈൽ-ജെനസ്റ്റ് സ്ട്രീറ്റിനു സമീപമാണ് സംഭവം. ഏകദേശം 20 ബോഗികൾ പാളം തെറ്റിയിട്ടുണ്ട്. ആർക്കെങ്കിലും പരുക്കേറ്റതായോ മരിച്ചതായോ റിപ്പോർട്ടുകളൊന്നും ലഭിച്ചിട്ടില്ല.
അപകടത്തെ തുടർന്ന് ട്രാക്കുകൾക്ക് സമീപമുള്ള ഏകദേശം 200 വീടുകൾ ഒഴിപ്പിച്ചതായി റെപെൻ്റിഗ്നി സിറ്റി ഫയർ ഓപ്പറേഷൻസ് ഡെപ്യൂട്ടി ഡയറക്ടർ ജീൻ-മാർക്ക് പിക്കോട്ട് അറിയിച്ചു. കൂടാതെ എമൈൽ-ജെനെസ്റ്റ് സ്ട്രീറ്റിനും റോസാലി-കാഡ്രോൺ സ്ട്രീറ്റിനും ഇടയിലുള്ള ലെ ബോർഗ്-ന്യൂഫ് ബൊളിവാർഡ് അടച്ചു.
