ഈ വർഷം പ്രവിശ്യയ്ക്ക് ഫെഡറൽ സർക്കാർ അനുവദിച്ച നോമിനേഷൻ ക്വാട്ടയിൽ പകുതിയിലധികവും പൂർത്തിയായതായി സസ്‌കാച്ചവാൻ ഇമിഗ്രേഷൻ വകുപ്പ് അറിയിച്ചു. 2026-ൽ സസ്‌കാച്ചവാൻ ഇമിഗ്രൻ്റ് നോമിനി പ്രോഗ്രാമിനു (SINP) അനുവദിച്ച 4,761 നോമിനേഷൻ ഒഴിവുകളിൽ 2,628 എണ്ണം നൽകിയിട്ടുണ്ട്. ജൂൺ 30 വരെയുള്ള കണക്കുകൾ പ്രകാരം 55 ശതമാനം ക്വാട്ടയാണ് പ്രവിശ്യ വിനിയോഗിച്ചിരിക്കുന്നത്.
ഹെൽത്ത് കെയർ, കൃഷി, സ്‌കിൽഡ് ട്രേഡ്‌സ്, മൈനിങ്, മാനുഫാക്ചറിംഗ്, ഊർജ്ജം, സാങ്കേതികവിദ്യ എന്നിവയിലാണ് ഈ വർഷം കൂടുതൽ അപേക്ഷകർക്ക് ഇൻവിറ്റേഷൻ ലഭിച്ചത്. ഇതിൽ തന്നെ മുൻഗണനാ മേഖലകളിലെ 62 ശതമാനം ഒഴിവുകളും നികത്തി. അതേസമയം ബാക്കിയുള്ള 2,133 നോമിനേഷനിൽ ട്രക്കിംഗ്, റീട്ടെയിൽ ട്രേഡ്, അക്കോമഡേഷൻ, ഫുഡ് സർവീസസ് എന്നീ വിഭാഗങ്ങളിലേക്ക് ജൂലൈ 6, 7 തീയതികളിൽ നിശ്ചിത സമയങ്ങളിൽ അപേക്ഷ സമർപ്പിക്കാം. കൂടാതെ സെപ്റ്റംബർ 14, നവംബർ 2 എന്നീ തീയതികളിൽ മറ്റൊരു ഇൻടേക്ക് ഉണ്ടാകും.
