ചരിത്ര നേട്ടം കുറിച്ച് ആതിഥേയരായ കാനഡ. ലോകകപ്പ് ഗ്രൂപ്പ് ബിയിലെ മത്സരത്തിൽ ഖത്തറിനെ എതിരില്ലാത്ത ആറു ഗോളുകൾക്ക് തകർത്ത കാനഡ ലോകകപ്പിലെ ആദ്യവിജയം സ്വന്തമാക്കി. വാൻകൂവറിലെ ബിസി പ്ലേസിൽ നടന്ന മത്സരത്തിൽ ജൊനാഥൻ ഡേവിഡിന്റെ ഹാട്രിക്ക് നേട്ടത്തിന്റെ പിൻബലത്തിലാണ് കാനഡ വിലയേറിയ മൂന്ന് പോയിൻ്റ് നേടിയത്.
16-ആം മിനിറ്റിൽ സൈൽ ലാറിൻ ഒരു തകർപ്പൻ റീബൗണ്ടിലൂടെ ഖത്തർ ഗോൾകീപ്പർ മഹ്മൂദ് അബുനാഡയെ മറികടന്ന് ഗോൾ വേട്ടയ്ക്ക് തുടക്കമിട്ടു. 25, 48 മിനിറ്റുകളിൽ ഗോൾ നേടിയ ജൊനാഥൻ ഡേവിഡ് കളിയുടെ അവസാനനിമിഷം തന്റെ ഹാട്രിക്കും സ്വന്തമാക്കി. 64 മിനിറ്റിൽ നതാൻ സാലിബ ഫ്രീ കിക്കിലൂടെ ഖത്തർ വല തുറന്നപ്പോൾ ഒരു ഗോൾ ഖത്തർ താരം മുഹമ്മദ് മനായിയുടെ വകയായി കാനഡയ്ക്ക് സ്വന്തം.
