കാനഡയിലെ ഊർജ്ജമേഖലയ്ക്ക് ഉത്തേജകമായി വിദേശ നിക്ഷേപകർ വീണ്ടും സജീവമായി തിരിച്ചെത്തുന്നതായി റിപ്പോർട്ട്. 2050 ആകുമ്പോഴേക്കും കാനഡയുടെ ഊർജ്ജ മേഖലയിൽ വൻ നിക്ഷേപ കുതിച്ചുചാട്ടത്തിന് സാധ്യതയുണ്ടെന്നും വിദഗ്ധർ പറയുന്നു. അന്താരാഷ്ട്ര നിക്ഷേപകർ രാജ്യത്തേക്ക് വൻതോതിൽ എത്താൻ തുടങ്ങുന്നത് കനേഡിയൻ സമ്പദ്വ്യവസ്ഥയ്ക്ക് ഉണർവേകും. ട്രാൻസ് മൗണ്ടൻ പൈപ്പ്ലൈൻ പോലുള്ള വൻകിട പദ്ധതികൾ യാഥാർത്ഥ്യമായതാണ് ആഗോള നിക്ഷേപകരെ കാനഡയിലേക്ക് കൂടുതൽ ആകർഷിക്കുന്നത്.
ആഗോളതലത്തിൽ കാനഡയുടെ ഊർജ്ജ മേഖലയ്ക്കുള്ള വിശ്വാസ്യത വർദ്ധിക്കുന്നതിൻ്റെ സൂചനയാണ് ഈ നിക്ഷേപ കുതിച്ചുചാട്ടമെന്ന് സാമ്പത്തിക വിദഗ്ധർ വിലയിരുത്തുന്നു. കനത്ത പാരിസ്ഥിതിക നിയന്ത്രണങ്ങളും നയപരമായ അനിശ്ചിതത്വങ്ങളും കാരണം മുൻപ് പിൻവാങ്ങിയ അന്താരാഷ്ട്ര നിക്ഷേപകർ, കാനഡയുടെ എണ്ണ-വാതക കമ്പനികളുടെ ശക്തമായ സാമ്പത്തിക അച്ചടക്കവും ഉയർന്ന ലാഭവിഹിതവും കണ്ട് ഇപ്പോൾ നിക്ഷേപത്തിന് പച്ചക്കൊടി കാട്ടുകയാണ്. ഇത് രാജ്യത്തെ ഊർജ്ജ മേഖലയുടെ പുത്തൻ ഉണർവിനെയാണ് വിരൽചൂണ്ടുന്നത്.
