ഡാലസ് ക്നാനായ റീജിയന് യൂത്ത് മിനിസ്ട്രിയുടെ നേതൃത്വത്തില് യുവജനങ്ങള്ക്കായി ധ്യാനം സംഘടിപ്പിച്ചു. ജൂണ് 11 മുതല് 14 വരെ ക്യാമ്പ് കോമ്പസ് ധ്യാന കേന്ദ്രത്തില് നടന്ന ധ്യാനം യുവജനതയ്ക്ക് കൃപാഭിഷേകത്തിന്റെ ദിനങ്ങളായി. ഫാ. കെവിന് മുണ്ടയ്ക്കല് , ബ്രദര്. റെജി മുട്ടം എന്നിവർ ധ്യാനത്തിന് നേതൃത്വം നൽകി.
ഹെസ്കൂള് വിദ്യാര്ത്ഥികള് മുതല് 25 വയസ് വരെ ഉള്ളവരാണ് ധ്യാനത്തില് പങ്കെടുത്തത്. ക്നാനായ റീജിയണിലെ വിവിധ ഇടവകയില് നിന്നും മീഷനില് നിന്നും 90 യുവജനങ്ങള് പങ്കെടുത്തു. ഡാലസ് യൂത്ത് മിനിസ്ട്രിയുടെ നേതൃത്വത്തില് യുവജനധ്യാനത്തിന്റെ ഒരുക്കങ്ങള് നടത്തിയത്.
