വാഷിംഗ്ടണ് : ടെക്സസ് സെനറ്റ് പ്രൈമറി റണ്ഓഫ് തിരഞ്ഞെടുപ്പില് അറ്റോര്ണി ജനറൽ കെന് പാക്സ്റ്റന് പരസ്യ പിന്തുണ പ്രഖ്യാപിച്ച് പ്രസിഡന്റ് ഡൊണാള്ഡ് ട്രംപ്. റിപ്പബ്ലിക്കന് പാര്ട്ടിയിലെ പ്രമുഖ നേതാവും മുതിര്ന്ന സെനറ്ററുമായ ജോണ് കോര്ണിനെ തള്ളിക്കൊണ്ടാണ് ട്രംപ് പാക്സ്റ്റന് അനുകൂലമായി ട്രംപ് രംഗത്തെത്തിയത്.
നിരവധി അഴിമതി ആരോപണങ്ങളും ഇംപീച്ച്മെന്റ് നടപടികളും നേരിടുന്ന പാക്സ്റ്റനെ സ്ഥാനാര്ത്ഥിയാക്കുന്നത് വരാനിരിക്കുന്ന പൊതുതിരഞ്ഞെടുപ്പില് പാര്ട്ടിക്ക് തിരിച്ചടിയാകുമെന്ന് റിപ്പബ്ലിക്കന് പാര്ട്ടി നേതൃത്വം ട്രംപിന് മുന്നറിയിപ്പ് നല്കിയിരുന്നു. എന്നാല് ഇതെല്ലാം അവഗണിച്ചാണ് തന്റെ ‘ട്രൂത്ത് സോഷ്യല്’ പ്ലാറ്റ്ഫോമിലൂടെ ട്രംപ് പാക്സ്റ്റന് പൂര്ണ്ണ പിന്തുണ പ്രഖ്യാപിച്ചത്.
പാര്ട്ടിക്കുള്ളിലെ തന്റെ അധികാരം ഉറപ്പിക്കുന്നതിന്റെ ഭാഗമായാണ് ട്രംപിന്റെ ഈ നീക്കം. പാക്സ്റ്റനുമായുള്ള അടുത്ത ബന്ധമാണ് ഇതിനു കാരണം. മെയ് 26-നാണ് ടെക്സസിലെ റിപ്പബ്ലിക്കന് പാര്ട്ടി റണ്ഓഫ് വോട്ടെടുപ്പ് നടക്കുന്നത്. ഈ തിരഞ്ഞെടുപ്പില് വിജയിക്കുന്നയാള് വരുന്ന നവംബറിലെ പൊതുതിരഞ്ഞെടുപ്പില് ഡെമോക്രാറ്റിക് സ്ഥാനാര്ത്ഥി ജെയിംസ് തലരിക്കോയെ നേരിടും.
