ഒളിംപിക്സ് ആവേശം ചോരാതെ മുന്നോട്ടു പോകാൻ ആരാധകർക്കൊരു സന്തോഷവാർത്ത! ഇറ്റലിയിൽ നടക്കുന്ന മിലാനോ കോർട്ടീന 2026 വിന്‍റർ ഒളിംപിക്സ് ആസ്വദിക്കാൻ ഇനി സസ്കാച്ചെവനിൽ ബാറുകൾ പുലർച്ചെ മുതൽ തുറക്കും. ഒളിംപിക്സിനോടനുബന്ധിച്ച് പുലർച്ചെ 5 മണി മുതൽ മദ്യം വിതരണം ചെയ്യാൻ ബാറുകൾക്കും റെസ്റ്റോറന്റുകൾക്കും അനുമതി നൽകുമെന്ന് സസ്കാച്ചെവൻ സർക്കാർ പ്രഖ്യാപിച്ചു.

സാധാരണഗതിയിൽ രാവിലെ 9:30 മുതൽ രാത്രി 2:30 വരെയാണ് ഇവിടെ മദ്യം വിളമ്പാൻ അനുമതിയുള്ളത്. എന്നാൽ ഒളിംപിക്സ് കാണാൻ എത്തുന്നവർക്കായി ഈ സമയക്രമത്തിൽ വലിയ ഇളവാണ് ഇപ്പോൾ പ്രഖ്യാപിച്ചിരിക്കുന്നത്. കാനഡയും ഇറ്റലിയും തമ്മിലുള്ള സമയവ്യത്യാസം കാരണം പ്രധാന മത്സരങ്ങളെല്ലാം കാനഡയിൽ പുലർച്ചെ സമയത്താണ് നടക്കുന്നത്. തങ്ങളുടെ പ്രിയപ്പെട്ട ടീം കാനഡയെ പ്രോത്സാഹിപ്പിക്കാൻ ആഗ്രഹിക്കുന്ന ആരാധകർക്കായി ബിസിനസ്സ് സ്ഥാപനങ്ങൾക്ക് ഈ അവസരം പ്രയോജനപ്പെടുത്താമെന്ന് സസ്കാച്ചെവൻ ലിക്വർ ആൻഡ് ഗെയിമിംഗ് അതോറിറ്റി വ്യക്തമാക്കി.