താരിഫ് വെട്ടിക്കുറയ്ക്കാൻ യുഎസ് പ്രസിഡന്റ് ഡോണൾഡ് ട്രംപുമായി വ്യാപാര ചർച്ച പുനഃരാരംഭിക്കാൻ കാനഡ തയ്യാറാണെന്ന് പ്രധാനമന്ത്രി മാർക്ക് കാർണി അറിയിച്ചു. ഈ വാരാന്ത്യത്തിൽ ട്രംപ് ചർച്ചകളിൽ ഏർപ്പെടാൻ തയാറാണെങ്കിൽ കാനഡ സജ്ജമാണെന്ന് അദ്ദേഹം വ്യക്തമാക്കി. ഒൻ്റാരിയോ സർക്കാരിന്‍റെ താരിഫ് വിരുദ്ധ പരസ്യം കാരണം കഴിഞ്ഞ മാസം കാനഡയുമായുള്ള വ്യാപാര ചർച്ചകൾ അവസാനിപ്പിച്ചതായി ട്രംപ് അറിയിച്ചിരുന്നു.
വ്യാപാര ചർച്ച നിലവിൽ അവസാനിച്ച സാഹചര്യത്തിൽ, 2026 ൽ ആരംഭിക്കുന്ന കാനഡ-യുഎസ്-മെക്സിക്കോ കരാർ (CUSMA) പുനഃരാരംഭിക്കുന്നതിനായുള്ള ചർച്ചകളിലേക്ക് നീങ്ങുമെന്ന് പ്രതീക്ഷിക്കുന്നതായി കാർണി പറഞ്ഞു. സമയപരിധി കണക്കിലെടുക്കുമ്പോൾ, ഇരുരാജ്യങ്ങളും തമ്മിൽ കരാർ ഉണ്ടാകാനുള്ള സാധ്യത കുറവാണ്. എന്നാൽ, ചർച്ച ആരംഭിക്കാൻ അമേരിക്ക തയാറാണെങ്കിൽ കാനഡയും തയാറാണ്, കാർണി പറയുന്നു.
