ഓട്ടവ: കാനഡയിൽ ഡേലൈറ്റ് സേവിംഗ് ടൈം അവസാനിക്കുകയാണ്. ക്ലോക്കുകൾ പിന്നോട്ട് തിരിക്കാനുള്ള സമയം അടുത്തിരിക്കുന്നുവെന്ന് കാനഡയിലെ താമസക്കാരെ ഓർമിപ്പിക്കുകയാണ്. മാർച്ച് മാസത്തിലെ രണ്ടാമത്തെ ഞായറാഴ്ച പുലർച്ചെ രണ്ട് മണിക്ക് മുന്നോട്ടുനീങ്ങിയ കാനഡയിലെ ക്ലോക്കുകൾ നവംബർ 2 ഞായറാഴ്ച പുലർച്ചെ രണ്ടിന് ഒരു മണിക്കൂർ പിന്നിലേക്ക് മാറും. 2026 മാർച്ച് 8 നായിരിക്കും ഇനി ക്ലോക്കുകൾ മുന്നോട്ട് നീക്കുക.

1908 മുതൽ കാനഡയിലുടനീളം ഡേലൈറ്റ് സേവിംഗ് ടൈം നിലവിലുണ്ട്. ഈ രീതി ഇപ്പോഴും ചർച്ചാവിഷയമാണ്. സമയക്രമം സാധാരണ നിലയിലേക്ക് മാറുന്നത് സ്പ്രിംഗ് സമയമാറ്റം പോലെ ബുദ്ധിമുട്ടിള്ളതായിരിക്കില്ലെങ്കിലും ആളുകളുടെ ദൈനംദിന പ്രവർത്തനത്തിൽ നിരവധി ചെറിയ തടസ്സങ്ങൾ ഉണ്ടാക്കിയേക്കുമെന്ന് വിദഗ്ധർ വിലയിരുത്തുന്നു.

2020 നവംബറിൽ ഒന്റാരിയോയിൽ ക്ലോക്കിന്റെ ദ്വവത്സരമാറ്റം അവസാനിപ്പിക്കാൻ ഫോർഡ് സർക്കാർ ബിൽ പാസാക്കിയിരുന്നു. അതുവഴി വർഷം മുഴുവൻ സാധാരണ സമയം തുടരാൻ സാധിക്കുന്നു. ആൽബെർട്ട, ബ്രിട്ടീഷ് കൊളംബിയ പ്രവിശ്യകളും ഈ സമ്പ്രദായ ഉപേക്ഷിക്കാൻ നടപടികൾ ആവശ്യപ്പെടുന്നുണ്ട്. ക്യുബെക്ക് പ്രവിശ്യയിൽ വർഷം മുഴുവനും സാധാരണ സമയം തുടരുന്നതിനാൽ ഈ സമയമാറ്റം ബാധകമല്ല.