മിഷിഗനിൽ ആരാധനാലയത്തിലേക്ക് വണ്ടിയോടിച്ചു കയറ്റിയശേഷം വെടിവെപ്പ് നടത്തിയത് അക്രമി മുൻ യുഎസ് മറീൻ ആണെന്ന് റിപ്പോർട്ട്. സമീപനഗരമായ ബർട്ടൻ സ്വദേശിയായ മുൻ യുഎസ് മറീൻ തോമസ് ജേക്കബ് സാൻഫോഡ് (40) ആണ് അക്രമി. വെടിവയ്പിൽ മരണം നാലായി. 8 പേർക്കു പരുക്കേറ്റു. ആക്രമണകാരണം വ്യക്തമല്ലെന്നു പൊലീസ് പറഞ്ഞു. സാൻഫോഡ് 2004 മുതൽ 2008 വരെ യുഎസ് മറീനായിരുന്നു. ഇറാഖ് യുദ്ധത്തിലും പങ്കെടുത്തു.
ഗ്രാൻഡ് ബ്ലാങ്ക് നഗരത്തിൽ ചർച്ച് ഓഫ് ജീസസ് ക്രൈസ്റ്റ് ഓഫ് ലാറ്റർ ഡേ സെയ്ന്റ്സിലെ ആരാധനയ്ക്കിടെയാണ് ആക്രമണമുണ്ടായത്. തോമസ് ജേക്കബ് സാൻഫോഡ് പളളിയ്ക്കു തീയിടുകയും ചെയ്തു. പള്ളി ഭാഗികമായി കത്തിനശിച്ചു.
