വിക്ടോറിയ: ബിസി ആസ്ഥാനമായുള്ള ഭീകര സംഘടനയായ സമിഡൗണിനെ പിരിച്ചുവിടാൻ അടിയന്തിര നടപടികൾക്ക് സ്വീകരിച്ച് വരികയാണെന്ന് ഫെഡറൽ സർക്കാർ. ലാഭേച്ഛയില്ലാതെ പ്രവർത്തിക്കുന്ന സംഘടനയെന്ന സമിഡൗണിൻ്റെ പദവി റദ്ദാക്കാനാണ് കനേഡിയൻ സർക്കാർ വഴി തേടുന്നതെന്ന് വ്യവസായ മന്ത്രി മെലാനി ജോളി പറഞ്ഞു. സോഷ്യൽ മീഡിയയിലൂടെ ആയിരുന്നു മന്ത്രിയുടെ പ്രഖ്യാപനം.
കാനഡ സർക്കാർ തീവ്രവാദ സംഘടനയായി പട്ടികപ്പെടുത്തിയിട്ടുള്ള ഏതൊരു സംഘടനയ്ക്കും ഫെഡറൽ സർക്കാരിൽ രജിസ്റ്റർ ചെയ്യപ്പെട്ട ലാഭേച്ഛയില്ലാത്ത സംഘടനയെന്ന നിലയിൽ തുടരുന്നത് അംഗീകരിക്കാനാവില്ല എന്ന് ജോളി പറയുന്നു. സമിഡൗണിനെയും കാനഡയിലെ ലിസ്റ്റു ചെയ്തിരിക്കുന്ന എല്ലാ തീവ്രവാദ സ്ഥാപനങ്ങളെയും ഔദ്യോഗികമായി പിരിച്ചുവിടുന്നതിനുള്ള എല്ലാ ഓപ്ഷനുകളും അടിയന്തിരമായി പരിശോധിക്കാൻ സർക്കാർ ഉദ്യോഗസ്ഥർക്ക് നിർദ്ദേശം നൽകിയതായും അദ്ദേഹം വ്യക്തമാക്കി.
ഒരു വർഷം മുമ്പ്, കാനഡയിലും അമേരിക്കയിലും സമിഡൗണിനെ ഒരു ഭീകര സംഘടനയായി പ്രഖ്യാപിച്ചിരുന്നു. ആ സമയത്ത്, സമിഡൗണിൻ്റെ ഡയറക്ടറായ ഷാർലറ്റ് കേറ്റ്സിൻ്റെ ഭാര്യയായ ഖാലിദ് ബരാകത്തിനെയും അമേരിക്കൻ സർക്കാർ തീവ്രവാദിയായി പ്രഖ്യാപിച്ചിരുന്നു . പക്ഷെ ലാഭേച്ഛയില്ലാതെ പ്രവർത്തിക്കുന്ന സംഘടനയെന്ന പദവി സമിഡൌൺ ഇപ്പോഴും തുടരുന്നത് ജൂത അഭിഭാഷക ഗ്രൂപ്പുകളെ പ്രകോപിപ്പിക്കുന്നുണ്ട്.
