പ്രവിശ്യയിലെ ഡേകെയറുകളിൽ കനത്ത സുരക്ഷ ഒരുക്കുമെന്ന് ഒന്റാരിയോ സർക്കാർ. റിച്ച്മണ്ട് ഹില്ലിൽ ഡേകെയറിലേക്ക് വാഹനം ഇടിച്ചുകയറി ഒന്നര വയസ്സുള്ള കുട്ടി മരിച്ച സംഭവത്തെ തുടർന്നാണ് നടപടി. ഡേകെയറുകളിലെ പ്രവേശന കവാടങ്ങൾ, ജനാലകൾ, ക്ലാസ് മുറികളുടെയോ കളിസ്ഥലങ്ങളുടെയോ പുറം ഭിത്തികൾ എന്നിവയോട് ചേർന്നുള്ള പാർക്കിങ് സ്ഥലങ്ങൾ ഉപയോഗിക്കുന്നത് ഓപ്പറേറ്റർമാരും മുനിസിപ്പാലിറ്റികളും തടയണമെന്ന് സർക്കാർ നിർദ്ദേശിക്കുന്നതായി വിദ്യാഭ്യാസ മന്ത്രി പോൾ കലന്ദ്ര നിർദ്ദേശിച്ചു. കുട്ടികളെയും ജീവനക്കാരെയും സംരക്ഷിക്കുന്നതിനായി ബൊള്ളാർഡുകൾ, പ്ലാന്ററുകൾ, എലവേറ്റഡ് കർബുകൾ, മറ്റ് ഭൗതിക അടിസ്ഥാന സൗകര്യങ്ങൾ തുടങ്ങിയവ സ്ഥാപിക്കുന്നതിനുള്ള മുനിസിപ്പൽ നിയന്ത്രണങ്ങളിൽ നിയമനിർമ്മാണ ഭേദഗതികൾ സർക്കാർ വരുത്തുമെന്നും മന്ത്രി വ്യക്തമാക്കി.