കാനഡയിൽ സ്കൂൾ തുറക്കാനൊരുങ്ങുമ്പോൾ, കുട്ടികളുടെ സുരക്ഷയിൽ രക്ഷിതാക്കൾ ആശങ്കാകുലരാണെന്ന് റിപ്പോർട്ട്. 63% രക്ഷിതാക്കളും സ്കൂൾ സോണുകൾ സുരക്ഷിതമല്ലെന്ന് കരുതുന്നതായി കനേഡിയൻ ഓട്ടോമൊബൈൽ അസോസിയേഷൻ (സിഎഎ) നടത്തിയ സർവേ കണ്ടെത്തി. അമിത വേഗവും, അപകടകരമായ പാർക്കിങ്ങും പ്രധാന പ്രശ്നങ്ങളായി 83 ശതമാനം രക്ഷിതാക്കളും ചൂണ്ടിക്കാട്ടി. പത്തിൽ എട്ട് രക്ഷിതാക്കളും സ്‌കൂളുകൾക്ക് ചുറ്റുമുള്ള ഗതാഗതക്കുരുക്ക് മുൻപത്തേക്കാൾ മോശമാണെന്ന് പറയുന്നു.

സ്‌കൂളുകൾക്ക് മുന്നിൽ റോഡ് മുറിച്ചുകടക്കുന്നത് അപകടകരമാണെന്ന് രക്ഷിതാക്കൾ അഭിപ്രായപ്പെട്ടു. ഒരു കുട്ടി അപകടത്തിൽപ്പെട്ടതായും അവർ ചൂണ്ടിക്കാട്ടി. തുടർന്ന്, കിങ്സ്റ്റൺ റോഡിലെ വേഗപരിധി കുറയ്ക്കാൻ കൗൺസിലർ പാർഥി കണ്ടവേൽ നടപടിയെടുത്തിരുന്നു. സ്‌കൂൾ സോണുകളിൽ വേഗപരിധി 30 km/h ആയി കുറയ്ക്കാൻ പകുതിയോളം രക്ഷിതാക്കളും ആഗ്രഹിക്കുന്നതായും സർവേയിൽ കണ്ടെത്തി.