ആൽബർട്ടയുടെ മിക്കഭാഗങ്ങളിലും വടക്കുപടിഞ്ഞാറൻ സസ്കാച്വാനിലെ ചില പ്രദേശങ്ങളിലും അടുത്ത ആഴ്ച വരെ കടുത്ത ചൂട് അനുഭവപ്പെടുമെന്ന് എൻവയൺമെൻ്റ് കാനഡ മുന്നറിയിപ്പ് നൽകി. ഇരു പ്രവിശ്യകളിലെ പകൽ സമയത്തെ ഉയർന്ന താപനില 30 ഡിഗ്രി സെൽഷ്യസിനു മുകളിലായിരിക്കുമെന്നും കാലാവസ്ഥാ ഏജൻസി അറിയിച്ചു. ആൽബർട്ടയുടെ വടക്കൻ ഭാഗങ്ങളായ ഹൈ ലെവലിൽ നിന്ന് കാനഡ-യുഎസ് അതിർത്തിക്കടുത്തുള്ള പ്രദേശങ്ങളിൽ പകൽ താപനില 29 മുതൽ 33 ഡിഗ്രി സെൽഷ്യസ് വരെയും രാത്രിയിലെ ഏറ്റവും താഴ്ന്ന താപനില 10 മുതൽ 16 ഡിഗ്രി സെൽഷ്യസ് വരെയും പ്രതീക്ഷിക്കാമെന്ന് കാലാവസ്ഥാ മുന്നറിയിപ്പുകൾ പറയുന്നു.
