ഓഗസ്റ്റ് 30 ശനിയാഴ്ചയും ഓഗസ്റ്റ് 31 ഞായറാഴ്ചയും സിനിമാപ്രേമികൾക്ക് അഞ്ച് ഡോളറിന് സിനിമാ ടിക്കറ്റുകളും അഞ്ച് ഡോളറിന് പോപ്കോണും വാഗ്ദാനം ചെയ്ത് കാനഡയിലെ ഏറ്റവും വലിയ സിനിമാ ശൃംഖലയായ സിനിപ്ലക്സ്. സിനിപ്ലക്സിന്റെ പ്രമോഷണൽ ഡീലിനുള്ള ടിക്കറ്റുകൾ ഓഗസ്റ്റ് 27 ബുധനാഴ്ച മുതൽ ലഭ്യമാകും. സിനിപ്ലക്സിന്റെ വരുമാനത്തിന്റെ ഒരു ഭാഗം ദി കനേഡിയൻ പിക്ചർ പയനിയേഴ്സിനാണ് പ്രയോജനപ്പെടുക.
രാജ്യത്തെ സിനിമാ വ്യവസായവുമായി ബന്ധപ്പെട്ട് ലാഭേച്ഛയില്ലാതെ പ്രവർത്തിക്കുന്ന ചാരിറ്റിയാണ് കനേഡിയൻ പിക്ചർ പയനിയേഴ്സ്. 1940 ൽ സ്ഥാപിതമായത് മുതൽ ഇത് അംഗങ്ങൾക്ക് സാമ്പത്തിക സഹായവും വിദ്യാഭ്യാസ അവസരങ്ങളും നൽകിവരുന്നു. 3D, IMAX®, UltraAVX®, D-BOX®, 4DX®, ScreenX®, VIP എന്നീ വിഭാഗങ്ങളിലെ സിനിമകൾക്ക് ഈ ഓഫർ ബാധകമാകുമെന്ന് സിനിപ്ലക്സ് അറിയിച്ചു.ഓൺലൈനായി വാങ്ങുന്ന ടിക്കറ്റുകൾക്ക് 1.50 ഡോളർ വരെ അധിക ബുക്കിംഗ് ഫീസും ബാധകമാകും.
