ഹൂസ്റ്റൺ : പൊമോണ കമ്യൂണിറ്റിയിലെ മലയാളികളുടെ കൂട്ടായ്മ “പൊന്നോണം 2025” എന്ന പേരിരിൽ ഓണാഘോഷം സംഘടിപ്പിച്ചു. പൊമോണയിൽ താമസിക്കുന്ന നിരവധി മലയാളികൾ പങ്കെടുത്ത പരിപാടിയിൽ, ഇന്ത്യൻ സിനിമയിലെ പ്രസിദ്ധനും മലയാളിയുടെ പ്രിയ താരവുമായ ശ്രീ ലാലു അലക്സ് മുഖ്യ അതിഥി ആയിരുന്നു .പൂക്കളവും മാവേലിയും പ്രത്യേകം തയ്യാറാക്കിയ വേദിയും വിഭവ സമൃദ്ധമായ ഓണ സദ്യയും ഓണാഘോഷങ്ങൾക്കു മാറ്റു കൂട്ടി. ഓണ പാട്ടുകളും തിരുവാതിരയും കൂടാതെ വിവിധങ്ങളായ കലാപരിപാടികളും അവതരിപ്പിക്കുന്നതിലൂടെ, തിരക്കറിയ തങ്ങളുടെ ജീവിതത്തിൽ ഗൃഹാതുരത്വം നിറഞ്ഞ ഓണക്കാല ഓർമയിലേക്ക് മലയാളി സമൂഹത്തെ കൂട്ടിക്കോണ്ടു പോകുവാനും, സമത്വത്തിന്റെയും സമൃദ്ധിയുടെയും സാഹോദര്യത്തിന്റെയും ഒരു ഓണക്കാലത്തെ കൂടി വരവേൽക്കുവാനും പൊമോണ മലയാളി സമൂഹത്തിനു കഴിഞ്ഞു