ഫ്ലൈറ്റ് അറ്റൻഡൻ്റുമാരുടെ പണിമുടക്കിന് ശേഷം ഇന്ന് മുതൽ സർവീസ് പൂർണ്ണമായി പുനഃരാരംഭിക്കുമെന്ന് എയർ കാനഡ അറിയിച്ചു. ശനിയാഴ്ച ആരംഭിച്ച പണിമുടക്ക് അവസാനിപ്പിക്കുന്നതിനായി ചൊവ്വാഴ്ച എയർലൈൻ തങ്ങളുടെ ഫ്ലൈറ്റ് അറ്റൻഡൻ്റുമാരെ പ്രതിനിധീകരിക്കുന്ന യൂണിയനുമായി താൽക്കാലിക കരാറിൽ എത്തിയതിനെ തുടർന്നാണിത്. പണിമുടക്ക് എയർലൈനിന്റെ പ്രവർത്തനങ്ങൾ തടസ്സപ്പെടുത്തുകയും വിമാനങ്ങൾ റദ്ദാക്കുന്നതിനും കാരണമായിരുന്നു.
എയർലൈൻ പ്രവർത്തനങ്ങൾ പുനഃസ്ഥാപിക്കുകയാണെന്ന് എയർ കാനഡയുടെ ചീഫ് ഓപ്പറേഷൻസ് ഓഫീസർ മാർക്ക് നാസർ പ്രസ്താവനയിൽ പറഞ്ഞു. അതേസമയം വേതന വർധന അടക്കമുള്ള പുതിയ താൽക്കാലിക കരാർ അംഗീകരിക്കണോ എന്നതിനായി എയർ കാനഡയിലെ പതിനായിരത്തിലധികം ഫ്ലൈറ്റ് അറ്റൻഡൻ്റുമാർ അടുത്ത ആഴ്ച വോട്ട് ചെയ്യും.
