ഓട്ടവ: കാനഡയിലെ പ്രവിശ്യകളിലുടനീളം വിൽക്കുന്ന ക്രൗൺ റോയൽ റിസർവ് എന്ന ജനപ്രിയ വിസ്കി ബ്രാൻഡ് കനേഡിയൻ ഫുഡ് ഇൻസ്പെക്ഷൻ ഏജൻസി (സിഎഫ്ഐഎ) തിരിച്ചുവിളിച്ചു. ഗ്ലാസ് കഷ്ണങ്ങളുടെ സാന്നിധ്യം കണ്ടെത്തിയതിനെ തുടർന്നാണ് വിസ്കി തിരിച്ചുവിളിച്ചിരിക്കുന്നതെന്ന് സിഎഫ്ഐഎ പ്രസ്താവനയിൽ അറിയിച്ചു. നിർമാണ കമ്പനിയായ ഡിയാജിയോ കാനഡ ഇൻകോർപ്പറേറ്റഡ് പ്രത്യേക ലോട്ട് തിരിച്ചുവിളിച്ചതായി സ്ഥിരീകരിച്ചു.
ബ്രാൻഡിന്റെ 12 വർഷം പഴക്കമുള്ള കനേഡിയൻ വിസ്കിയാണ് ക്രൗൺ റോയൽ റിസർവ്. യൂണിവേഴ്സൽ പ്രോഡക്ട് കോഡ്(UPC) 082000 809920, 5199 എന്നീ നമ്പറുകളിലുള്ള 650 മി.ല്ലി കുപ്പിയിലാണ് പ്രശ്നം കണ്ടെത്തിയത്. തിരിച്ചുവിളിച്ച ഉൽപ്പന്നങ്ങൾ എത്ര വിറ്റഴിച്ചുവെന്നോ എപ്പോൾ വിൽപ്പന നടത്തിയെന്നോ പ്രഖ്യാപനത്തിൽ വ്യക്തമാക്കിയിട്ടില്ല. ഉൽപ്പന്നം കഴിച്ച് എന്തെങ്കിലും പരുക്കുകളോ സംഭവങ്ങളോ റിപ്പോർട്ട് ചെയ്യപ്പെട്ടിട്ടില്ല.
