അമേരിക്കന് പ്രസിഡന്റ് ഡോണള്ഡ് ട്രംപിനെ തട്ടിക്കൊണ്ടുപോകുമെന്നും കൊലപ്പെടുത്തുമെന്നും സോഷ്യല് മീഡിയയിലൂടെ ഭീഷണിപ്പെടുത്തിയ ഇന്ത്യാന സ്വദേശിനി അറസ്റ്റില്. നതാലി റോസ് ജോണ്സ് (50) എന്ന സ്ത്രീയെയാണ് യുഎസ് ഫെഡറല് അധികാരികള് കസ്റ്റഡിയിലെടുത്തത്.
ഓഗസ്റ്റ് 6-ന് ജോണ്സ് സോഷ്യല് മീഡിയയില് പോസ്റ്റ് ചെയ്ത കുറിപ്പില് ട്രംപിനെ കൊലപ്പെടുത്തുമെന്ന് ഭീഷണിപ്പെടുത്തിയതായി യുഎസ് അറ്റോര്ണി ഓഫിസ് അറിയിച്ചു. ഓഗസ്റ്റ് 15-ന് യുഎസ് സീക്രട്ട് സര്വീസ് ജോണ്സിനെ ചോദ്യം ചെയ്തപ്പോള് അവര് ട്രംപിനെ ‘ഭീകരവാദി’ എന്നും ‘നാസി’ എന്നും വിശേഷിപ്പിച്ചു. കോവിഡ് നയങ്ങളുടെ പേരില് ട്രംപിനോടുള്ള പ്രതികാരമാണ് കൊലപാതക ശ്രമത്തിന് കാരണമെന്ന് ജോണ്സ് വെളിപ്പെടുത്തി.
ഓഗസ്റ്റ് 16-ന് വൈറ്റ് ഹൗസിന് സമീപം നടന്ന പ്രതിഷേധത്തില് ഇവര് പങ്കെടുത്തതായും അന്വേഷണ ഉദ്യോഗസ്ഥര് കണ്ടെത്തി. രണ്ടാമത്തെ ചോദ്യം ചെയ്യലില് ട്രംപിനെ ഉപദ്രവിക്കാന് നിലവില് ആഗ്രഹമില്ലെന്ന് ജോണ്സ് പറഞ്ഞെങ്കിലും, അവര് ഭീഷണി സന്ദേശങ്ങള് അയച്ചതായി സ്ഥിരീകരിച്ചതിനാല് അറസ്റ്റ് ചെയ്യുകയായിരുന്നു.
