സതേണ്‍ ഒന്റാരിയോയില്‍ ചൂടിന് നേരിയ ആശ്വാസം ലഭിക്കുമെന്ന് എന്‍വയണ്‍മെന്റ് കാനഡ അറിയിച്ചു. ഇന്ന് രാത്രിയോടെ താപനില കുറഞ്ഞേക്കും. എന്നാല്‍, ഗ്രേറ്റര്‍ ടൊറന്റോ, ഹാമില്‍ട്ടണ്‍, കിഴക്കന്‍ ഒന്റാരിയോ എന്നിവിടങ്ങളില്‍ ചൂടും ഈര്‍പ്പവുമുള്ള കാലാവസ്ഥ ബുധനാഴ്ചയും തുടരാന്‍ സാധ്യതയുണ്ട്.

ടൊറന്റോയില്‍ പകല്‍ താപനില 33 ഡിഗ്രി സെല്‍ഷ്യസ് വരെ എത്താം, ഈര്‍പ്പം കാരണം ഇത് 41 ഡിഗ്രി സെല്‍ഷ്യസ് ആയി അനുഭവപ്പെടാം. രാത്രി താപനില 22 ഡിഗ്രി സെല്‍ഷ്യസ് ആയിരിക്കും. കൂടാതെ, ചൊവ്വാഴ്ച ഉച്ചയ്ക്കും വൈകുന്നേരവും മഴയ്ക്കും ഇടിമിന്നലിനും സാധ്യതയുണ്ട്. ബുധനാഴ്ച പകല്‍ താപനില 30 ഡിഗ്രി സെല്‍ഷ്യസ് വരെയായിരിക്കും, ഈര്‍പ്പം കാരണം ഇത് 37 ഡിഗ്രി സെല്‍ഷ്യസ് ആയി അനുഭവപ്പെടാം. എന്നാല്‍, രാത്രി താപനില 18 ഡിഗ്രി സെല്‍ഷ്യസ് ആയി കുറയാന്‍ സാധ്യതയുണ്ട്.

ചൂടുള്ള കാലാവസ്ഥയില്‍ നിര്‍ജലീകരണം ഒഴിവാക്കാന്‍ ധാരാളം വെള്ളം കുടിക്കാനും, സൂര്യാഘാതത്തിന്റെ ലക്ഷണങ്ങള്‍ ശ്രദ്ധിക്കാനും അധികൃതര്‍ നിര്‍ദ്ദേശിച്ചു. ചൂട് കുറയ്ക്കാന്‍ എയര്‍ കണ്ടീഷനിങ് ഉപയോഗിക്കാനും വീടിനുള്ളില്‍ത്തന്നെ കഴിയാനുംനിര്‍ദ്ദേശമുണ്ട്.