എഡ്മണ്ടൻ: SIMAA കരാട്ടെ എഡ്മണ്ടൻ സെന്ററിലെ കുട്ടികളുടെ ഗ്രേഡിംഗ് സെറിമണി നടത്തി. കരാട്ടെ പരിശീലനത്തിലെ സമർപ്പണം, അച്ചടക്കം, പുരോഗതി എന്നിവയ്ക്കുള്ള അംഗീകാരമായി വിദ്യാർത്ഥികൾക്ക് മഞ്ഞ, ഓറഞ്ച് ബെൽറ്റുകൾ നൽകി ആദരിച്ചു. Dr. Baiju Pallicka Vareed (Chair and Director of the School of Social Work at MacEwan University), Fr. Thomas Poothicote (Vicar of St. Jacob’s Church, Edmonton) എന്നിവർ ചടങ്ങിൽ മുഖ്യാതിഥികളായി പങ്കെടുത്തു. വിജയിച്ച വിദ്യാർത്ഥികൾക്കുള്ള സർട്ടിഫിക്കറ്റ് വിതരണം ഇരുവരും നിർവഹിച്ചു. കരാട്ടെ പരിശീലിച്ച വി​ദ്യാർഥികളെ അഭിനന്ദിച്ച മുഖ്യാതിഥികൾ, ആയോധനകലകളുടെ മൂല്യങ്ങൾ തുടർന്നും സ്വീകരിക്കാൻ കുട്ടികളെ പ്രോത്സാഹിപ്പിക്കുകയും ചെയ്തു. പരിപാടിയുടെ വിജയത്തിന് സഹകരിച്ച എല്ലാ മാതാപിതാക്കൾക്കും വിദ്യാർത്ഥികൾക്കും പിന്തുണ നൽകിയ അഭ്യുദയകാംക്ഷികൾക്കും കരാട്ടെ ഇൻസ്ട്രക്ടർ എബി നെല്ലിക്കൽ നന്ദി അറിയിച്ചു. ശാരീരിക ക്ഷമതയ്ക്ക് മാത്രമല്ല, സ്വഭാവ വികസനത്തിനും അച്ചടക്കം വളർത്തുന്നതിനും ആയോധനകലകളുടെ പ്രാധാന്യത്തെക്കുറിച്ചും പ്രത്യേകിച്ച് എഡ്മണ്ടണിലെ ഇന്ത്യൻ സമൂഹത്തിലെ യുവാക്കൾക്കിടയിൽ അതിന്റെ ആവശ്യത്തെക്കുറിച്ചും അദ്ദേഹം പറഞ്ഞു.

Hanshi Shaju Paul (Chief Instructor & Examiner), Renshi Sheelu Joseph (Chief Instructor) എന്നിവരുടെ വിദഗ്ധ നേതൃത്വത്തിലാണ് SIMAA കരാട്ടെ പ്രവർത്തിക്കുന്നത്. അവരുടെ മാർഗ്ഗനിർദ്ദേശത്തിലൂടെയും Abi Nellickal (Instructor)ന്റെ സമർപ്പിത പരിശ്രമത്തിലൂടെയും എഡ്മണ്ടൻ ബ്രാഞ്ച് ചുറ്റുമുള്ള പ്രദേശങ്ങളിലെയും നിരവധി വിദ്യാർത്ഥികളെ പ്രചോദിപ്പിക്കുകയും പരിശീലിപ്പിക്കുകയും ചെയ്യുന്നു. എഡ്മണ്ടണിലെ യുവാക്കൾക്കിടയിൽ ആയോധനകലകൾ പ്രോത്സാഹിപ്പിക്കുന്നതിനുള്ള മറ്റൊരു ചുവടുവയ്പ്പാണ് ഈ വിജയകരമായ ഗ്രേഡിംഗ് പരിപാടി – നൈപുണ്യമുള്ള പ്രാക്ടീഷണർമാരെ മാത്രമല്ല, ഉത്തരവാദിത്തവും ആത്മവിശ്വാസവുമുള്ള വ്യക്തികളെയും വളർത്തിയെടുക്കുന്നതിനുള്ള ഒരു ചുവടുവയ്പ്പ് കൂടിയാണിത്.