അനധികൃത കുടിയേറ്റക്കാരെ അവരുടെ മാതൃരാജ്യങ്ങളിലല്ലാതെ മൂന്നാമതൊരു രാജ്യത്തേക്ക് നാടുകടത്താനുള്ള ഡോണള്ഡ് ട്രംപ് സര്ക്കാരിന്റെ നയത്തിന് അമേരിക്കന് സുപ്രീം കോടതിയുടെ അംഗീകാരം. ഈ നയത്തിനെതിരെ കീഴ്ക്കോടതി പുറപ്പെടുവിച്ച ഉത്തരവ് സുപ്രീം കോടതി റദ്ദാക്കിയതോടെ, ട്രംപിന്റെ കുടിയേറ്റ നയങ്ങള്ക്ക് വലിയ വിജയം ലഭിച്ചിരിക്കുകയാണ്.
മൂന്നാമതൊരു രാജ്യത്തേക്ക് അനധികൃത കുടിയേറ്റക്കാരായി എത്തുമ്പോള് നേരിടാവുന്ന ഭീഷണി കണക്കിലെടുത്താണ് ഈ തീരുമാനത്തിനു ജില്ലാ കോടതി നിയന്ത്രണം ഏര്പ്പെടുത്തിയത്. കുടിയറ്റക്കാരുടെ അവകാശത്തിനുവേണ്ടി പ്രവര്ത്തിക്കുന്ന വിവിധ സംഘടനകളുടെ ഇടപെടലിനെത്തുടര്ന്നായിരുന്നു ഇത്.
ഇതുപ്രകാരം ദക്ഷിണ സുഡാനിലേക്ക് കുടിയേറ്റക്കാരെ അയയ്ക്കുന്ന നടപടി തടസ്സപ്പെടുകയും അങ്ങോട്ടു കൊണ്ടുപോയവരെ ജിബൂട്ടിയിലെ സൈനിക താവളത്തില് താമസിപ്പിക്കുകയും ചെയ്തിരുന്നു. സുപ്രീം കോടതി വിധി ട്രംപിന്റെ നയത്തിനുള്ള അംഗീകാരമായി വിലയിരുത്തപ്പെട്ടെങ്കിലും വിവിധ മനുഷ്യാവകാശ സംഘടനകള് പ്രതിഷേധിച്ചു.
