കാൽഗറി: നോർത്ത് ഈസ്‌റ്റേൺ കാൽഗറിയിൽ ഒരു വീട്ടിൽ ചോർന്ന കാർബൺ മോണോക്‌സൈഡ് ശ്വസിച്ചതിനെ തുടർന്ന് ഒരാൾ മരിച്ചു. അബോധാവസ്ഥയിലായ മറ്റൊരാളെ ആശുപത്രിയിൽ പ്രവേശിപ്പിച്ചു. ചൊവ്വാഴ്ച വൈകിട്ട് 4.20 ഓടെ മാർട്ടിൻഡെയ്ൽ കമ്മ്യൂണിറ്റിയിലെ വീട്ടിലാണ് കാർബൺ മോണോക്‌സൈഡ് ചോർച്ച ഉണ്ടായത്.
സംഭവം സംശയാസ്പദമാണെന്ന് വിവരമറിഞ്ഞ് വീട്ടിലെത്തിയ എമർജൻസി ക്രൂ അംഗങ്ങൾ പറഞ്ഞു. ഒരാൾ സംഭവസ്ഥവത്ത് വെച്ചുതന്നെ മരിച്ചതായി സ്ഥിരീകരിച്ചു. കാൽഗറി ഫയർ ഡിപ്പാർട്ട്‌മെന്റും പാരാമെഡിക്കുകളും എത്തി അവശനിലയിലായയാളെ ഫൂട്ട്ഹിൽസ് ആശുപത്രിയിൽ പ്രവേശിപ്പിച്ചു. വീട്ടിൽ ഉയർന്ന നിലയിൽ കാർബൺ മോണോക്‌സൈഡ് സാന്നിധ്യം ഉണ്ടായിരുന്നുവെന്ന് അഗ്നിശമന സേനാംഗങ്ങൾ പറഞ്ഞു.
