കനേഡിയന് സമ്പദ്വ്യവസ്ഥ വ്യാപാരയുദ്ധത്തിന്റെ ആഘാതങ്ങള് നേരിടുന്നതിനിടെ അടിസ്ഥാന പലിശനിരക്ക് 2.75 ശതമാനമായി നിലനിര്ത്തി ബാങ്ക്ഓഫ്കാനഡ. കഴിഞ്ഞ 10 മാസത്തിനുള്ളില് സെന്ട്രല് ബാങ്ക് പലിശനിരക്ക് 225 ബേസിസ് പോയിന്റ് കുറച്ച് 2.75 ശതമാനമാക്കിയിരുന്നു.
കാനഡ-യുഎസ് വ്യാപാര തര്ക്കം സമ്പദ്വ്യവസ്ഥയെ എങ്ങനെ ബാധിക്കുമെന്ന് കൂടുതല് വ്യക്തത ആവശ്യമാണെന്ന് പറഞ്ഞ സെന്ട്രല് ബാങ്ക്, ജൂണിന് ശേഷം ആദ്യമായി ഏപ്രിലില് സെന്ട്രല് ബാങ്ക് പലിശനിരക്ക് 2.75 ശതമാനമായി നിലനിര്ത്തിയിരുന്നു. അതേസമയം താരിഫ് ആഘാതം മറികടക്കാന് വ്യാപാരസ്ഥാപനങ്ങള് തിടുക്കം കൂട്ടുന്നതിനാല് വര്ഷത്തിന്റെ ആദ്യ പാദത്തില് യഥാര്ത്ഥ മൊത്ത ആഭ്യന്തര ഉല്പാദനം പ്രതീക്ഷകളെ മറികടന്നുവെന്ന് സ്റ്റാറ്റിസ്റ്റിക്സ് കാനഡ വെള്ളിയാഴ്ച റിപ്പോര്ട്ട് ചെയ്തിരുന്നു. പണപ്പെരുപ്പ സമ്മര്ദ്ദങ്ങള് ഉയര്ന്നിട്ടും ഉപഭോക്തൃ കാര്ബണ് വില നീക്കം ചെയ്തതിനാല് വാര്ഷിക പണപ്പെരുപ്പം ഏപ്രിലില് 1.7 ശതമാനമായികുറഞ്ഞു.
