1500 കോടി ഡോളറിന്റെ ഇലക്ട്രിക് വാഹന പദ്ധതി രണ്ട് വര്‍ഷത്തേക്ക് നിര്‍ത്തിവയ്ക്കുന്നതായി ഹോണ്ട കാനഡ. വിപണിയിലെ ഡിമാന്‍ഡ് കുറഞ്ഞതാണ് ഈ തീരുമാനത്തിന് കാരണമെന്ന് കമ്പനി വക്താവ് പറഞ്ഞു. ചൈനയിലെ വാഹന വില്‍പ്പന ഇടിഞ്ഞതോടെ മാര്‍ച്ച് വരെയുള്ള സാമ്പത്തിക വര്‍ഷത്തില്‍ ഹോണ്ടയുടെ ലാഭം മുന്‍ വര്‍ഷത്തെ അപേക്ഷിച്ച് 24.5 ശതമാനം കുറഞ്ഞതായി കമ്പനി പറയുന്നു. യുഎസ് പ്രസിഡന്റ് ഡോണള്‍ഡ് ട്രംപിന്റെ താരിഫ് വര്‍ധന കമ്പനിയുടെ വരുമാനത്തെ ബാധിക്കുമെന്ന് ജാപ്പനീസ് വാഹന നിര്‍മ്മാതാക്കള്‍ പറഞ്ഞിരുന്നു.

അതേസമയം കാനഡയിലെ സിആര്‍-വി, സിവിക് എന്നിവയുടെ ഉത്പാദനം യുഎസിലേക്ക് മാറ്റാന്‍ ഹോണ്ട പദ്ധതിയിടുന്നതായി ജപ്പാനിലെ നിക്കി ഫിനാന്‍ഷ്യല്‍ പത്രം റിപ്പോര്‍ട്ട് ചെയ്തിരുന്നു. എന്നാല്‍ ഈ റിപ്പോര്‍ട്ടുകള്‍ നിഷേധിച്ച് കഴിഞ്ഞ മാസം ഹോണ്ട അറിയിച്ചിരുന്നു.