ലാത്വിയയിൽ കാണാതായ കനേഡിയൻ സൈനികൻ മരിച്ച നിലയിൽ
കനേഡിയൻ സായുധ സേനാംഗവും വാറന്റ് ഓഫീസറുമായ ജോർജ്ജ് ഹോളിനെ ലാത്വിയയിൽ മരിച്ച നിലയിൽ കണ്ടെത്തി. ഹോളിനെ ചൊവ്വാഴ്ച ലാത്വിയയിൽ നിന്ന് കാണാതായതായി റിപ്പോർട്ട് ചെയ്തിരുന്നു. തുടർന്ന് നടത്തിയ അന്വേഷണത്തിൽ വെള്ളിയാഴ്ച മരിച്ച നിലയിൽ കണ്ടെത്തുകയായിരുന്നു. ദേശീയ പ്രതിരോധ വകുപ്പും കനേഡിയൻ സായുധ സേനയും അദ്ദേഹത്തിന്റെ മരണം സ്ഥിരീകരിച്ചു. 20 വർഷത്തെ പരിചയസമ്പന്നനായ വാറന്റ് ഓഫീസർ ഹോൾ, 408 ടാക്റ്റിക്കൽ ഹെലികോപ്റ്റർ സ്ക്വാഡ്രണിലെ ടെക്നീഷ്യനായിരുന്നു. നാറ്റോ ദൗത്യത്തിന്റെ ഭാഗമായി അദ്ദേഹം ലാത്വിയയിലായിരുന്നു. കനേഡിയൻ സേനാ മിലിട്ടറി പൊലീസ് ലാത്വിയൻ […]
നോവ സ്കോട്ടിയ ലോങ് ലേക്ക് കാട്ടുതീ നിയന്ത്രണവിധേയം
നോവ സ്കോട്ടിയയിലെ ലോങ് ലേക്ക് കാട്ടുതീ നിയന്ത്രണവിധേയമാക്കി അഗ്നിശമന സേനാംഗങ്ങൾ. ലോങ് ലേക്ക് കാട്ടുതീ നിയന്ത്രിക്കുന്നതിൽ അഗ്നിശമന സേനാംഗങ്ങൾ പുരോഗതി കൈവരിച്ചതായി പ്രവിശ്യാ പ്രകൃതിവിഭവ വകുപ്പ് അറിയിച്ചു. കാട്ടു തീ കൂടുതൽ സ്ഥലങ്ങളിലേക്ക് വ്യാപിക്കാതിരിക്കാൻ അഗ്നിശമന സേനാംഗങ്ങൾ പരിശ്രമിക്കുകയാണെന്ന് അധികൃതർ അറിയിച്ചു. പ്രദേശത്ത് ഉച്ചകഴിഞ്ഞ് മഴ പെയ്യുമെന്ന് പ്രവചനമുണ്ട്, ഇത് കൂടുതൽ സഹായകമാകുമെന്ന് പ്രതീക്ഷിക്കുന്നു.
അധ്യാപകരുമായി ചർച്ച പുനഃരാരംഭിക്കാൻ തയാർ: ഡാനിയേൽ സ്മിത്ത്
പ്രവിശ്യയിലെ അധ്യാപകരുമായി കരാറിലെത്താൻ ആഗ്രഹിക്കുന്നതായി ആൽബർട്ട പ്രീമിയർ ഡാനിയേൽ സ്മിത്ത്. വേതനം, ക്ലാസ് മുറികളിലെ സാഹചര്യങ്ങള്, കുട്ടികളുടെ എണ്ണത്തിലെ വര്ധന, തുടങ്ങിയ വിഷയങ്ങൾ പരിഗണിക്കുമെന്ന് സ്മിത്ത് പറഞ്ഞു. ശമ്പളത്തിന്റെ കാര്യത്തിൽ, പ്രവിശ്യ നാല് വർഷത്തേക്ക് പ്രതിവർഷം മൂന്ന് ശതമാനം ശമ്പളം വാഗ്ദാനം ചെയ്യുന്നുണ്ടെന്ന് അവർ വ്യക്തമാക്കി. മൂന്ന് വർഷത്തേക്ക് പ്രതിവർഷം 1,000 പുതിയ അധ്യാപകരെ വാഗ്ദാനം ചെയ്തതായും സ്മിത്ത് കൂട്ടിചേർത്തു.അധ്യാപകരെ പ്രതിനിധീകരിക്കുന്ന യൂണിയൻ ചർച്ചകൾ തടസ്സപ്പെടുത്തിയതിലും അവർ നിരാശ പ്രകടിപ്പിച്ചു.
യുഎസ് വ്യാപാര യുദ്ധം: ഫെഡറൽ ഏജൻസികൾക്കുള്ള ധനസഹായം വർധിപ്പിക്കണം
വ്യാപാര പ്രശ്നങ്ങൾ കൈകാര്യം ചെയ്യുന്ന ഫെഡറൽ യൂണിറ്റുകൾക്കുള്ള ധനസഹായം വർധിപ്പിക്കാൻ ഫെഡറൽ സർക്കാരിനോട് ആവശ്യപ്പെട്ട് അഭിഭാഷകർ. അമേരിക്കയുമായുള്ള നിലവിലുള്ള താരിഫ് തർക്കങ്ങൾ കാരണം പ്രവർത്തനങ്ങളിലെ കുതിച്ചുചാട്ടം ഈ യൂണിറ്റുകളെ ബുദ്ധിമുട്ടിലാക്കുന്നുവെന്ന് അഭിഭാഷകർ വ്യക്തമാക്കി. വ്യാപാര, താരിഫ് പ്രോഗ്രാമിങ് നടത്തുന്ന ഉത്തരവാദിത്തമുള്ള ഫെഡറൽ വകുപ്പുകൾക്കും ഏജൻസികൾക്കും കൂടുതൽ ധനസഹായം നൽകണമെന്ന് കനേഡിയൻ അന്താരാഷ്ട്ര വ്യാപാര, നിക്ഷേപ അഭിഭാഷകർ ധനകാര്യ വകുപ്പിന് അയച്ച കത്തിൽ പറയുന്നു. സമീപകാല താരിഫുകളും മാറിക്കൊണ്ടിരിക്കുന്ന വ്യാപാര നയങ്ങളും കാരണം കനേഡിയൻ, ആഗോള കമ്പനികൾ വിതരണ […]
യുഎസ് തീരുവ: നിര്ണായക ബ്രിക്സ് രാജ്യങ്ങളുടെ യോഗം ഇന്ന്
അമേരിക്കയുടെ തീരുവയുദ്ധത്തെ മറികടക്കാനുള്ള മാര്ഗങ്ങള് ആലോചിക്കാന് ഇന്ന് ബ്രിക്സ് രാജ്യങ്ങള് യോഗം ചേരും. വെര്ച്വലായാണ് യോഗം. വിദേശകാര്യമന്ത്രി എസ്. ജയശങ്കര് ഇന്ത്യയെ പ്രതിനിധീകരിക്കും. ബ്രസീല് പ്രസിഡന്റ് ലുല ഡിസില്വ അധ്യക്ഷത വഹിക്കുന്ന യോഗത്തില് പ്രധാനമന്ത്രി നരേന്ദ്രമോദി പങ്കെടുക്കുമെന്ന് റിപ്പോര്ട്ടുകളുണ്ടായിരുന്നെങ്കിലും തീരുമാനം മാറ്റി. ഇന്ത്യ-യുഎസ് ബന്ധം മെച്ചപ്പെടുത്താനുള്ള ശ്രമങ്ങള് നടക്കുന്നതിനാലാണ് ഇതെന്നാണ് സൂചന. ബ്രസീലിനും 50 ശതമാനം തീരുവയാണ് അമേരിക്ക ചുമത്തിയിട്ടുള്ളത്. അതേസമയം റഷ്യയ്ക്കെതിരെ രണ്ടാം ഘട്ട ഉപരോധം ഏര്പ്പെടുത്തുമെന്ന മുന്നറിയിപ്പുമായി യുഎസ് പ്രസിഡന്റ് ഡോണള്ഡ് ട്രംപ്. റഷ്യയില് […]