വടക്കൻ ബ്രിട്ടീഷ് കൊളംബിയയിലെ തിരക്കേറിയ റോഡിൽ ഒരു ചെറിയ വിമാനം അടിയന്തരമായി ലാൻഡ് ചെയ്തതായി റിപ്പോർട്ട്. വ്യാഴാഴ്ച ഉച്ചകഴിഞ്ഞ് 2:20 ഓടെ പ്രിൻസ് ജോർജ്ജ് ഫൂട്ട്ഹിൽസ് ബൊളിവാർഡിലുണ്ടായ സംഭവത്തിൽ ഒരാൾ മരിച്ചതായി പോലീസ് സ്ഥിരീകരിച്ചു. വിമാനം അടിയന്തരമായി ലാൻഡ് ചെയ്യുന്നതിനുള്ള കാരണം വ്യക്തമല്ല. സംഭവത്തിൽ അന്വേഷണം ആരംഭിച്ചതായി ട്രാൻസ്‌പോർട്ടേഷൻ സേഫ്റ്റി ബോർഡ് ഓഫ് കാനഡ അറിയിച്ചു.
വിമാനം തകർന്നുവീണത് വളരെ തിരക്കേറിയ റോഡിലാണെന്നും അപകടത്തിൽ രണ്ട് വാഹനങ്ങൾ ഉൾപ്പെട്ടിട്ടുണ്ടെന്നും പ്രിൻസ് ജോർജ് ആർ‌സി‌എം‌പി കമ്മീഷണർ ജെന്നിഫർ കൂപ്പർ അറിയിച്ചു. വാഹനത്തിലുണ്ടായിരുന്ന യാത്രക്കാരനാണ് മരിച്ചതെന്നും അദ്ദേഹം പറഞ്ഞു. വിമാനം ലാൻഡ് ചെയ്യുന്നതിനിടെ ഏതെങ്കിലും വാഹനങ്ങളിൽ നേരിട്ട് ഇടിച്ചോ എന്നത് വ്യക്തമാക്കിയിട്ടില്ല. അപകടത്തിൽ എത്ര പേർക്ക് പരുക്കേറ്റിട്ടുണ്ടെന്ന് വ്യക്തമല്ല.
