യുഎസിൽ നിന്നുള്ള കാട്ടുതീ പുക പടർന്നതോടെ മെട്രോ വാൻകൂവറിൽ വായുമലിനീകരണം രൂക്ഷമായതായി റിപ്പോർട്ട്. എന്നാൽ, മെട്രോ വാൻകൂവറിൽ സജീവമായ തീപിടുത്തങ്ങളൊന്നുമില്ലെന്ന് വാൻകൂവർ ഫയർ റെസ്ക്യൂ സർവീസസ് (VFRS) അറിയിച്ചു. വാഷിങ്ടണിലുണ്ടായ കാട്ടുതീയിൽ നിന്നാണ് പുക ഉയരാൻ സാധ്യതയെന്ന് VFRS-ന്റെ അസിസ്റ്റന്റ് ചീഫ് പറയുന്നു.
ഇതോടെ വായു ഗുണനിലവാരം മോശമായതായി മെട്രോ വൻകൂവർ റീജിനൽ ഡിസ്ട്രിക്റ്റ് (എംവിആർഡി) അറിയിച്ചു. സ്ഥിതിഗതികൾ നിരീക്ഷിച്ചുകൊണ്ടിരിക്കുകയാണെന്ന് VFRS പറഞ്ഞു. കാട്ടുതീ പുകയിൽ അടങ്ങിയിരിക്കുന്ന സൂക്ഷ്മകണികകൾ കടുത്ത ആരോഗ്യപ്രശ്നങ്ങൾക്ക് കാരണമാകും. പുകയുടെ അളവ് വർധിക്കുന്നതനുസരിച്ച് ആരോഗ്യപരമായ അപകടസാധ്യതകളും വർധിക്കും. വീടിനു വെളിയിലുള്ള സമയം കുറയ്ക്കുകയും പുറത്തെ കായിക വിനോദങ്ങളും പ്രവർത്തനങ്ങളും പരിമിതപ്പെടുത്തണമെന്നും അധികൃതർ നിർദ്ദേശിച്ചു.
