ആഫ്രിക്കന് രാജ്യങ്ങളില്നിന്നുള്ള കുടിയേറ്റത്തെ അധിക്ഷേപിച്ച് യുഎസ് പ്രസിഡന്റ് ഡോണള്ഡ് ട്രംപ്. സൊമാലിയന് കുടിയേറ്റക്കാര്ക്കെതിരെയായിരുന്നു ട്രംപിന്റെ പുതിയ വംശീയ അധിക്ഷേപം. വ്യത്തികെട്ടത്, അറപ്പു തോന്നിക്കുന്നത്, കുറ്റകൃത്യങ്ങള് നിറഞ്ഞത് തുടങ്ങിയ അധിക്ഷേപങ്ങളാണു സൊമാലിയയ്ക്ക് എതിരെ നടത്തിയത്.
2018 ല് യുഎസ് കോണ്ഗ്രസ് അംഗങ്ങളുമായുളള യോഗത്തിനിടെ ഹെയ്റ്റി അടക്കം ആഫ്രിക്കന് രാജ്യങ്ങള്ക്കെതിരെ അസഭ്യപദ പ്രയോഗം നടത്തിയെന്നതും ട്രംപ് സമ്മതിച്ചു. വംശീയ അധിക്ഷേപം നടത്തിയിട്ടില്ലെന്നായിരുന്നു യുഎസ് അന്ന് അവകാശപ്പെട്ടിരുന്നത്. അഫ്ഗാനിസ്ഥാന്, ഹെയ്റ്റി, സൊമാലിയ തുടങ്ങിയ മൂന്നാംലോക രാജ്യങ്ങളില്നിന്നുള്ള കുടിയേറ്റം പൂര്ണമായി വിലക്കിയെന്നു ട്രംപ് പറഞ്ഞു.
