ഇറാനില് യുഎസ് നടത്തിയ ആക്രമണത്തില് പ്രതികരണവുമായി പ്രധാനമന്ത്രി മാര്ക്ക് കാര്ണി. ഇരു രാജ്യങ്ങളും ശാന്തരാകണമെന്നും ഉടന് ചര്ച്ച ആരംഭിക്കണമെന്നും മാര്ക്ക് കാര്ണി ആവശ്യപ്പെട്ടു.
ഇറാന്റെ ആണവ പദ്ധതി അന്താരാഷ്ട്ര സുരക്ഷയ്ക്ക് ഗുരുതരമായ ഭീഷണിയാണെന്നും, ഇറാനെ ഒരിക്കലും ആണവായുധം വികസിപ്പിക്കാന് അനുവദിക്കില്ലെന്ന് കാനഡ നിരന്തരം വ്യക്തമാക്കിയിട്ടുണ്ടെന്നും മാര്ക്ക് കാര്ണി തന്റെ സോഷ്യല് മീഡിയ പോസ്റ്റില് കുറിച്ചു. ഇന്നലെ രാത്രിയില് യുഎസ് സ്വീകരിച്ച സൈനിക നടപടി ആണവ ഭീഷണി ലഘൂകരിക്കാന് വേണ്ടിയാണെങ്കിലും മിഡില് ഈസ്റ്റിലെ സ്ഥിതി വളരെ അസ്ഥിരമായി തുടരുകയാണെന്നും സമാധാനം പുനഃസ്ഥാപിക്കണമെന്നും മാര്ക്ക് കാര്ണി പറഞ്ഞു.
