റഷ്യക്കെതിരെ താരിഫ് ഭീഷണി മുഴക്കി യുഎസ് പ്രസിഡന്റ് ഡോണള്‍ഡ് ട്രംപ്. 50 ദിവസത്തിനുള്ളില്‍ യുക്രെയ്‌നിലെ യുദ്ധം അവസാനിപ്പിക്കാന്‍ കരാറിലെത്തിയില്ലെങ്കില്‍ റഷ്യക്കെതിരെ തീരുവ ചുമത്തുമെന്ന് അദ്ദേഹം പറഞ്ഞു. നാറ്റോ സെക്രട്ടറി ജനറല്‍ മാര്‍ക്ക് റുട്ടെയുമായുള്ള ഓവല്‍ ഓഫീസ് കൂടിക്കാഴ്ചയിലാണ് ട്രംപ് ഇക്കാര്യം അറിയിച്ചത്.
’50 ദിവസത്തിനുള്ളില്‍ ഒരു കരാറില്‍ എത്തിയില്ലെങ്കില്‍ ഞങ്ങള്‍ വളരെ കടുത്ത താരിഫുകള്‍ ഏര്‍പ്പെടുത്താന്‍ പോകുന്നു,’ ട്രംപ് പറഞ്ഞു. അതേസമയം താരിഫുകള്‍ എങ്ങനെ നടപ്പാക്കുമെന്ന് അദ്ദേഹം വ്യക്തമാക്കിയിട്ടില്ല. താന്‍ വ്യാപാരത്തെ പല കാര്യങ്ങള്‍ക്കും ഉപയോഗിക്കുന്നുണ്ടെന്നും യുദ്ധങ്ങള്‍ പരിഹരിക്കുന്നതിന് ഇതൊരു മാര്‍ഗ്ഗമാണെന്നും അദ്ദേഹം കൂട്ടിച്ചേര്‍ത്തു.
