വാഷിംഗ്ടൺ : മെക്സിക്കൻ ഉൾക്കടലിനെ ‘ഗള്ഫ് ഓഫ് അമേരിക്ക’ എന്ന് ഔദ്യോഗികമായി പ്രഖ്യാപിച്ച് ഡോണള്ഡ് ട്രംപ്. ഇനിമുതൽ ഫെബ്രുവരി 9-ന് ‘ഗള്ഫ് ഓഫ് അമേരിക്ക ഡേ’ ആയി ആഘോഷിക്കുമെന്നും ട്രംപ് അറിയിച്ചു. അമേരിക്കയുടെ തന്ത്രപ്രധാനവും നിര്ണായകവുമായ ഭാഗമാണ് ഇതെന്നും എക്സിക്യൂട്ടീവ് ഉത്തരവില് ഒപ്പുവെക്കവെ അദ്ദേഹം പറഞ്ഞു. 30 ദിവസത്തിനകം പേരുമാറ്റം പ്രാബല്യത്തിൽ വരും.
യുഎസിന്റെ വടക്കു കിഴക്കന് തീരം, വടക്കന്, വടക്കുപടിഞ്ഞാറന് പ്രവിശ്യകളായ ടെക്സസ്, ലൂസിയാന, മിസ്സിസിപ്പി, അലബാമ, ഫ്ലോറിഡ മുതല് മെക്സിക്കോയും ക്യൂബൻ അതിർത്തി വരെ നീണ്ടു കിടക്കുന്ന കടല് പ്രദേശമാണ് ഗള്ഫ് ഓഫ് അമേരിക്ക. ട്രംപിന്റെ പ്രഖ്യാപനത്തിന് പിന്നാലെ യുഎസ് കോസ്റ്റ് ഗാര്ഡും ഗൂഗിള് മാപ്പും, ‘ഗള്ഫ് ഓഫ് അമേരിക്ക’യെന്ന പേര് ഉപയോഗിച്ച് തുടങ്ങി.
