ടൊറൻ്റോയിലെ പൊതുസുരക്ഷയും ക്രമസമാധാനവും ഉറപ്പാക്കുന്നതിൽ നിർണ്ണായക പങ്കുവഹിക്കുന്ന ‘സ്പെഷ്യൽ കോൺസ്റ്റബിൾ’ തസ്തികകളിലേക്ക് സിറ്റി പൊലീസ് സർവീസ് അപേക്ഷ ക്ഷണിച്ചു. ഗ്രേഡ് 12 (OSSD) അല്ലെങ്കിൽ തത്തുല്യ യോഗ്യതയുള്ളവർക്ക് അപേക്ഷിക്കാം. കനേഡിയൻ പൗരത്വം അല്ലെങ്കിൽ പെർമനൻ്റ് റെസിഡൻ്റ് (PR) പദവി, ‘G’ ലൈസൻസ്, OACP സർട്ടിഫിക്കറ്റ് എന്നിവയ്ക്കൊപ്പം പൊതുജനങ്ങളുമായി ഇടപഴകുന്ന മേഖലയിലോ കസ്റ്റമർ സർവീസിലോ കുറഞ്ഞത് ഒരു വർഷത്തെ പ്രവൃത്തി പരിചയവും അപേക്ഷകർക്ക് ഉണ്ടായിരിക്കണം.
സ്പെഷ്യൽ കോൺസ്റ്റബിൾ തസ്തികയിൽ തുടക്കക്കാർക്ക് 88,973 മുതൽ 101,881 ഡോളർ വരെ (ഏകദേശം 55 ലക്ഷം മുതൽ 63 ലക്ഷം രൂപ വരെ) വാർഷിക ശമ്പളം ലഭിക്കും. ഇതോടൊപ്പം ഫാമിലി ഹെൽത്ത് & ഡെന്റൽ പ്ലാൻ, വിഷൻ കെയർ, ലൈഫ് ഇൻഷുറൻസ്, പെയ്ഡ് വെക്കേഷൻ, പെൻഷൻ പ്ലാൻ (OMERS) എന്നീ മറ്റു ആനുകൂല്യങ്ങളും ലഭിക്കും. അപേക്ഷകൾ സമർപ്പിക്കേണ്ട ലിങ്ക് : tps.ca/careers/special-constable
