ഓട്ടവ: ജനപ്രിയ സോഷ്യൽ മീഡിയ പ്ലാറ്റ്ഫോമായ ടിക് ടോക്ക് കാനഡയിലെ 13 വയസ്സിൽ താഴെയുള്ള സെൻസിറ്റീവ് വിവരങ്ങൾ ശേഖരിക്കുന്നതായി പ്രൈവസി അതോറിറ്റിയുടെ വെളിപ്പെടുത്തൽ. ക്യുബെക്ക്, ബ്രിട്ടീഷ് കൊളംബിയ, ആൽബെർട്ട എന്നിവടങ്ങളിളെ ഫെഡറൽ പ്രൈവസി കമ്മീഷണറുടെ നേതൃത്വത്തിൽ നടത്തിയ അന്വേഷണത്തിലാണ് ഈ കണ്ടെത്തൽ.
ടിക്ടോക്കിന്റെ പ്രായം കുറഞ്ഞ ഉപയോക്താക്കളുമായി ബന്ധപ്പെട്ട സ്വകാര്യതാ രീതികളും വ്യക്തിഗത വിവരങ്ങളുടെ ശേഖരണം, ഉപയോഗം, വെളിപ്പെടുത്തൽ എന്നിവയ്ക്ക് ആധികാരികമായി സമ്മതം നേടുന്നുണ്ടോ എന്ന് ഇവർ പരിശോധിച്ചു. ടിക് ടോക്കിന്റെ സേവന നിബന്ധനകൾ പ്രകാരം, 13 വയസ്സിന് താഴെയുള്ള(ക്യുബെക്കിൽ 14 വയസ്സിൽ താഴെയുള്ള) ഉപയോക്താക്കളെ പ്ലാറ്റ്ഫോം ഉപയോഗിക്കുന്നതിൽ നിന്ന് വിലക്കുന്നു.
എന്നാൽ ടിക്ടോക്കിന്റെ പ്രായപരിധി ഉറപ്പാക്കുന്നതിലെ അപര്യാപ്തത മൂലം സെൻസിറ്റീവ് എന്ന കരുതുന്ന വിവരങ്ങൾ ഉൾപ്പെടെ കാനഡയിലെ കുട്ടികളുടെ സ്വകാര്യ വിവരങ്ങൾ കമ്പനി ശേഖരിച്ചതായി റിപ്പോർട്ടിൽ പറയുന്നു. കൂടാതെ, വീഡിയോ, ഇമേജ്, ഓഡിയോ വിശകലനത്തിന്റെ ഫേഷ്യൽ, വോയിസ് ഡാറ്റ പോലുള്ള ബയോമെട്രിക് വിവരങ്ങളുടെ ശേഖരണത്തെയും ഉപയോഗത്തെയും കുറിച്ച് ടിക്ടോക് വേണ്ടത്ര വിശദീകരിക്കുന്നതിൽ പരാജയപ്പെട്ടുവെന്നും കണ്ടെത്തി.
