ടൊറന്റോ: എറ്റോബിക്കോയില്‍ പുലര്‍ച്ചെയുണ്ടായ വാഹനാപകടത്തില്‍ മൂന്ന് കുട്ടികള്‍ മരിച്ചു. ഹൈവേ 401 നും സമീപം റെന്‍ഫോര്‍ത്ത് ഡ്രൈവിലെ ഈസ്റ്റ്ബൗണ്ട് ഓഫ് റാമ്പില്‍ ഞായറാഴ്ച പുലര്‍ച്ചെ പന്ത്രണ്ടരയോടെയാണ് അപകടം നടന്നത്. വാഹനമോടിക്കുന്നതില്‍ ഉണ്ടായ അശ്രദ്ധയാണ് അപകടത്തിന് കാരണമെന്ന് പൊലീസ് പറയുന്നു.
ആറ് പേര്‍ സഞ്ചരിച്ചിരുന്ന നിര്‍ത്തിയിട്ടിരുന്ന വാഹനത്തില്‍ മറ്റൊരു വാഹനം ഇടിച്ചാണ് അപകടമുണ്ടായതെന്ന് പൊലീസ് പറഞ്ഞു. രണ്ട് കുട്ടികള്‍ സംഭവസ്ഥലത്ത് വെച്ച് തന്നെ മരിച്ചതായും മൂന്നാമത്തെ കുട്ടിയെ ആശുപത്രിയില്‍ എത്തിച്ചെങ്കിലും പിന്നീട് മരച്ചതായി സ്ഥിരീകരിക്കുകയായിരുന്നു. നാലാമത്തെ കുട്ടിയെയും രണ്ട് മുതിര്‍ന്നവരെയും ആശുപത്രിയില്‍ പ്രവേശിപ്പിച്ചതായും ഇവരുടെ നില തൃപ്തികരമാണെന്നും ടൊറന്റോ പാരാമെഡിക്കുകള്‍ പറഞ്ഞു. സംഭവത്തില്‍ പത്തൊന്‍മ്പത് വയസുള്ള ഡ്രൈവറെ പൊലീസ് അറസ്റ്റ് ചെയ്തു. അന്വേഷണത്തിന്റെ ഭാഗമായി റെന്‍ഫോര്‍ത്ത് ഡ്രൈവ് അടച്ചു.
