പുതിയ പ്രവിശ്യ സർക്കാരിനെ തിരഞ്ഞെടുക്കാൻ ഒൻ്റാരിയോ നിവാസികൾ ഇന്ന് പോളിങ് ബൂത്തിലേക്ക് എത്തും. 18 വയസും അതിൽ കൂടുതലുമുള്ള ഒൻ്റാരിയോ നിവാസികൾക്ക് വോട്ട് ചെയ്യാൻ സാധിക്കും. തിരഞ്ഞെടുപ്പ് ദിവസമായ ഇന്ന് (ഫെബ്രുവരി 27) രാവിലെ 9 മുതൽ രാത്രി 9 വരെയാണ് വോട്ടിങ്. മെയിൽ-ഇൻ ബാലറ്റുകൾ തിരഞ്ഞെടുപ്പ് ദിവസം വൈകിട്ട് ആറു മണിക്കകം ലഭിക്കണമെന്ന് ഇലക്ഷൻസ് ഒൻ്റാരിയോ അറിയിച്ചു.
തിരഞ്ഞെടുപ്പ് പ്രഖ്യാപിച്ചത് മുതൽ ഡഗ് ഫോർഡ് നയിക്കുന്ന പ്രോഗ്രസീവ് കൺസർവേറ്റീവ് പാർട്ടി വീണ്ടും ഭരണത്തിൽ എത്തുമെന്ന് വിവിധ സർവേകൾ പ്രവചിച്ചിട്ടുണ്ട്.
