ഈ ആഴ്ച കാല്ഗറിയില് അസാധാരണമായ ചൂട് അനുഭവപ്പെടുമെന്ന് എൻവയൺമെൻ്റ് കാനഡ മുന്നറിയിപ്പ് നൽകി. ശനിയാഴ്ചയും ഞായറാഴ്ചയും നഗരത്തിൽ 8 മുതൽ 10 ഡിഗ്രി സെൽഷ്യസ് വരെ താപനില രേഖപ്പെടുത്തിയിരുന്നു.
ജനുവരി 14 ബുധനാഴ്ച വരെ കാൽഗറിയിൽ താപനില 15 ഡിഗ്രി സെൽഷ്യസ് വരെ ഉയരാൻ സാധ്യതയുണ്ടെന്ന് കാലാവസ്ഥാ ഏജൻസി അറിയിച്ചു. സാധാരണയായി ജനുവരി മാസത്തിൽ ഈ പ്രദേശത്തെ ശരാശരി താപനില മൈനസ് 3 ഡിഗ്രി സെൽഷ്യസിനും മൈനസ് 15 ഡിഗ്രി സെൽഷ്യസിനും ഇടയിലാണ്. 2004-ൽ രേഖപ്പെടുത്തിയ 11 ഡിഗ്രി സെൽഷ്യസാണ് ഇതിനുമുൻപ് ജനുവരി 14-ന് രേഖപ്പെടുത്തിയ ഏറ്റവും ഉയർന്ന താപനില. തിങ്കളാഴ്ച രാവിലെ മണിക്കൂറിൽ 30 മുതൽ 80 കിലോമീറ്റർ വരെ വേഗത്തിൽ കാറ്റുവീശാൻ സാധ്യതയുണ്ട്.
