കനത്ത മഞ്ഞു വീഴ്ചയെത്തുടർന്ന് ക്യൂബെക്കിൽ ആയിരക്കണക്കിന് ആളുകൾക്ക് വൈദ്യുതി തടസ്സപ്പെട്ടു. വെള്ളിയാഴ്ച രാവിലെ 9:14-ഓടെ പുറത്തുവന്ന കണക്കുകൾ പ്രകാരം പ്രവിശ്യയിലുടനീളം 7,034 ഇടങ്ങളിൽ വൈദ്യുതി നിലച്ചിട്ടുണ്ട്. ഇതിൽ ഭൂരിഭാഗവും മോൺട്രിയൽ മേഖലയിലാണ് റിപ്പോർട്ട് ചെയ്തിരിക്കുന്നത്. മോൺട്രിയളിൽ മാത്രം 5,013 പേർക്കും ലാവലിൽ 1,169 പേർക്കും വൈദ്യുതി ബന്ധം പൂർണ്ണമായും വിച്ഛേദിക്കപ്പെട്ടു. അതേസമയം മോണ്ടെറെജിയിൽ 175 ഉപയോക്താക്കൾക്കും ലോറൻഷ്യൻസിൽ 32 ഉപയോക്താക്കൾക്കും വൈദ്യുതി തടസ്സം നേരിട്ടു.
മോൺട്രിയലിന്റെ വെസ്റ്റ് ഐലൻഡിലാണ്, പ്രത്യേകിച്ച് ഡോർവൽ, പോയിന്റ്-ക്ലെയർ മേഖലകളിലാണ് തടസ്സം രൂക്ഷമായിട്ടുള്ളത്. കാലാവസ്ഥ മെച്ചപ്പെടുന്നതിനനുസരിച്ച് തകരാറുകൾ പരിഹരിക്കാനും വൈദ്യുതി ബന്ധം പുനഃസ്ഥാപിക്കാനുമുള്ള തീവ്രശ്രമത്തിലാണ് ഹൈഡ്രോ-ക്യൂബെക് ഉദ്യോഗസ്ഥർ.
