ഒൻ്റാരിയോ: ക്രൗൺ റോയൽ കമ്പനിയുടെ ഒൻ്റാരിയോയിലെ ബോട്ട്ലിങ് പ്ലാൻ്റ് അടച്ചുപൂട്ടാനുള്ള തീരുമാനത്തിൽ പ്രതിഷേധം ഉയരുന്നു. ക്രൗൺ റോയൽ വിസ്കിയുടെ ഒരു മുഴുവൻ കുപ്പിയും പുറത്തേക്കൊഴിച്ച് കളഞ്ഞാണ് പ്രീമിയർ ഡഗ് ഫോർഡ് പ്രതിഷേധം അറിയിച്ചത്. ഒൻ്റാരിയോയിലെ ആംഹെർസ്റ്റ്ബർഗിലുള്ള പ്ലാൻ്റ് അടച്ചുപൂട്ടുന്നതിനെതിരെയാണ് ഫോർഡ് വിമർശനവുമായി രംഗത്തെത്തിയത്. വടക്കേ അമേരിക്കൻ വിതരണ ശൃംഖല മെച്ചപ്പെടുത്തുന്നതിനായി കമ്പനിയുടെ ചില പ്രവർത്തനങ്ങൾ യുഎസിലേക്ക് മാറ്റുകയാണെന്നാണ് കമ്പനി മേധാവി ഡിയാജിയോ കഴിഞ്ഞ ആഴ്ച പറഞ്ഞത്. ഇതിന് പിന്നാലെയാണ് പ്രതിഷേധം ശക്തമായത്.
യുഎസ് വിപണിക്കായാണ് ആംഹെർസ്റ്റ്ബർഗിലേക്ക് ബോട്ട്ലിംഗ് സംവിധാനം യുഎസിലേക്ക് മാറുന്നത്. അതേസമയം കനേഡിയൻ ഉപഭോക്താക്കൾക്കുള്ള ബോട്ട്ലിംഗ് ക്യൂബയിലെ വാലിഫീൽഡിലേക്ക് മാറ്റും. ഒൻ്റാരിയോയിലെ ബോട്ട്ലിങ് പ്ലാൻ്റ് 2026 ഫെബ്രുവരിയിൽ അടച്ചുപൂട്ടും. ഏകദേശം 200 പേർക്ക് ജോലി നഷ്ടപ്പെടുമെന്നാണ് വിലയിരുത്തൽ. ബോട്ടലിംഗ് സംവിധാനം നിർത്താനുള്ള നീക്കം ഒൻ്റാരിയോ നിവാസികളെ വേദനിപ്പിക്കുന്നുവെന്നും ക്രൗൺ റോയലിൽ ജോലി ചെയ്യുന്ന ആളുകളെ ഉപദ്രവിക്കുകയാണ് കമ്പനി ചെയ്യുന്നതെന്നും പ്രീമിയർ ഫോർഡ് പറഞ്ഞു.
