ഈ വർഷം ഒന്റാരിയോയിൽ നടക്കാനിരിക്കുന്ന മുനിസിപ്പൽ തിരഞ്ഞെടുപ്പിനുള്ള നടപടിക്രമങ്ങൾക്ക് തുടക്കമായി. മേയർ, കൗൺസിലർമാർ, സ്കൂൾ ട്രസ്റ്റിമാർ എന്നീ സ്ഥാനങ്ങളിലേക്ക് മത്സരിക്കാൻ ആഗ്രഹിക്കുന്നവർക്ക് ഇപ്പോൾ നാമനിർദ്ദേശ പത്രിക സമർപ്പിക്കാവുന്നതാണ്.

പ്രധാന തീയതികൾ

• പത്രികാ സമർപ്പണം ആരംഭിക്കുന്നത്: മെയ് 1 മുതൽ
• പത്രിക സമർപ്പിക്കാനുള്ള അവസാന തീയതി: ഓഗസ്റ്റ് 21
• തേർഡ് പാർട്ടി പരസ്യദാതാക്കളുടെ രജിസ്ട്രേഷൻ: മെയ് 1 മുതൽ ഒക്ടോബർ 23 വരെ
• വോട്ടെടുപ്പ് ദിവസം: ഒക്ടോബർ 26

സ്ഥാനാർത്ഥികൾക്കുള്ള നിബന്ധനകൾ

• അപേക്ഷയും ഫീസും: നിശ്ചിത അപേക്ഷാ ഫോമിനൊപ്പം നിശ്ചിത ഫീസും നൽകണം.
• പിന്തുണ: നാമനിർദ്ദേശ പത്രികയ്ക്കൊപ്പം കുറഞ്ഞത് 25 പേരുടെ പിന്തുണ അറിയിക്കുന്ന ഒപ്പുകൾ സമർപ്പിക്കേണ്ടതുണ്ട്.
• തേർഡ് പാർട്ടി പരസ്യദാതാക്കൾ: വ്യക്തികൾക്കും സ്ഥാപനങ്ങൾക്കും സംഘടനകൾക്കും തേർഡ് പാർട്ടി പരസ്യദാതാക്കളായി രജിസ്റ്റർ ചെയ്യാം.

വോട്ടവകാശം ആർക്കൊക്കെ?

താഴെ പറയുന്ന വിഭാഗങ്ങളിൽപ്പെടുന്നവർക്ക് വോട്ട് രേഖപ്പെടുത്താം:

1. മുനിസിപ്പാലിറ്റിയിൽ സ്ഥിരമായി താമസിക്കുന്നവർ.
2. മുനിസിപ്പാലിറ്റി പരിധിയിൽ സ്വന്തമായി വസ്തുവകകൾ ഉള്ളവർ.
3. അവിടെ വസ്തുവുള്ളവരുടെ പങ്കാളികൾ (Spouse).