മോൺട്രിയലിൽ മൂന്ന് പേരുടെ മരണത്തിനിടയാക്കിയ വെടിവെപ്പിന്റെ പശ്ചാത്തലത്തിൽ പൊതുജന സുരക്ഷ ഉറപ്പാക്കുമെന്ന് മേയർ സൊറായ മാർട്ടിനെസ് ഫെറാഡ അറിയിച്ചു. സെൻ്റ്-ജീൻ ബാപ്റ്റിസ്റ്റ് ദിനാഘോഷങ്ങൾ നടക്കാനിരുന്ന കോട്ട്-ദെ-നെയ്ജ് മേഖലയിലാണ് തിങ്കളാഴ്ച വെടിവെപ്പ് നടന്നത്. വെടിവെപ്പിനെ തുടർന്ന് ദേശീയദിനാഘോഷങ്ങൾ (ഫെറ്റ് നാഷണാൽ) റദ്ദാക്കിയിട്ടുണ്ട്. സുരക്ഷ മുൻനിർത്തി നഗരസഭയുടെ കീഴിലുള്ള വിവിധ ഓഫീസുകൾ അടച്ചിട്ടിരിക്കുകയാണ്.
ദുരന്ത പശ്ചാത്തലത്തിൽ ക്യുബെക്ക് പ്രൊവിൻഷ്യൽ പൊലീസും, പ്രത്യേക അന്വേഷണ വിഭാഗവും സംയുക്തമായി കേസിൽ അന്വേഷണം ഊർജ്ജിതമാക്കിയിട്ടുണ്ട്. ഇത്തരം വെടിവെപ്പുകളും സോഷ്യൽ മീഡിയ വഴിയുള്ള വിദ്വേഷ പ്രചരണങ്ങളും അതീവ ഗൗരവത്തോടെ കാണണമെന്നും കൂടുതൽ ജാഗ്രത പുലർത്തുമെന്നും മേയർ കൂട്ടിച്ചേർത്തു.
